12px13px15px17px
Tarix:10/04/20

“Google” şirkəti əməkdaşlarına “Zoom” video konfranslar xidmətindən istifadəni qadağan edib

“Google” şirkətinin rəhbərliyi əməkdaşlarına “Zoom” video konfranslar xidmətindən istifadəni qadağan edib. Buna səbəb sözügedən xidmətin haker hücumlarına qarşı dayanıqsız olmasıdır. “The Verge” nəşri yazır ki, bu barədə məktub hələ ötən həftə əməkdaşlara göndərilib.

 

“ICTnews” Elektron Xəbər Xidməti “hitech.newsru.com” saytına istinadən yazır ki, məktubda, həmçinin korporativ qurğulara quraşdırılmış “Zoom” proqramlarının tezliklə bloklanacağı haqqında yazılıb. "Bizdə çoxdan mövcud olan qaydaya əsasən, iş üçün korporativ şəbəkəyə aid olmayan yoxlanılmamış proqramlardan istifadə qadağandır" – “Google”un nümayəndəsi Hose Kastaneda nəşrə deyib. O təsdiq edib ki, yaxın günlər ərzində təhlükəsizlik üzrə mütəxəssislər öz iş qurğularında “Zoom”dan istifadə edən əməkdaşlara proqramın təhlükəsizlik standartlarına cavab verməməsi barədə xəbərdarlıq edib. Bu halda “Google”un əməkdaşlarına “Zoom” xidmətinin veb versiyasından və ya smartfonlar üçün mobil tətbiqindən şəxsi məqsədlə istifadə etmək qadağan edilməyib.

 

“The Verge”, həmçinin qeyd edir ki, “Google” şirkətinin videobağlantı üçün “G Suite” paketinə daxil olan “Meet” adlı korporativ xidməti mövcuddur.

 

Emil Hüseynov





Baxış sayı: 478

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024