12px13px15px17px
Tarix:18/04/20

2020-ci ildə telekommunikasiya xidmətləri bazarının həcmi təxminən 1,6 milyard dollar təşkil edəcək

“International Data Corporation” (IDC) şirkəti bu il dünya telekommunikasiya xidmətlər bazarının inkişafı haqqında proqnoz verib. Koronavirus pandemiyası sahəyə ciddi təsir göstərəcək.
 
“ICTnews” Elektron Xəbər Xidməti “3dnews.ru” saytına istinadən yazır ki, artıq bir çox müəssisələr öz fəaliyyətini dayandırmağa və ya əməkdaşlarını distant iş rejiminə keçirməyə məcbur olublar. Bəzi kiçik şirkətlər isə ümumiyyətlə bağlanıb. Bundan başqa, bir çox ölkələrdə vətəndaşlar karantin qaydalarına uyğun olaraq evdə qalırlar.
 
Analitiklər deyirlər ki, koronavirus, bir tərəfdən, rabitə xidmətlərinə, xüsusən də mobil və sabit genişzolaqlı internetə tələbatı artırıb.
 
Digər tərəfdən isə biznes sektorunda azalma var.
 
Nəticədə bu il telekommunikasiya xidmətləri bazarının həcmi 2019-cu illə müqayisədə, demək olar, dəyişməyəcək. Bu seqmentdə xərclər 1,6 milyard dollar məbləğində proqnozlaşdırılır.
 
Bu il pandemiya şəraitində qlobal İT və biznes xidmətləri bazarının həcminin 1,1% azalacağı da qeyd olunur. “IDC” analitik şirkətinin məlumatına görə, 2021-ci ildə artım 1% civarında olacaq.
 
Emil Hüseynov




Baxış sayı: 917

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024