12px13px15px17px
Tarix:13/05/20

Nəqliyyat, Rabitə və Yüksək Texnologiyalar Nazirliyi ilə “Cisco” şirkəti arasında əməkdaşlığa dair videokonfrans keçirilib

Nəqliyyat, Rabitə və Yüksək Texnologiyalar Nazirliyi ilə "Cisco" şirkəti arasında birgə fəaliyyətin müzakirəsi və gələcək planların müəyyən edilməsi məqsədilə videokonfrans təşkil edilib.
 
Videogörüşdə Azərbaycan tərəfi ilə yanaşı, "Cisco"nun vitse-prezidenti Qay Diedriç, Rusiya və MDB üzrə vitse-prezidenti Conatan Sparrou və Azərbaycan üzrə regional direktoru Vladimir Orlov, Azərbaycan üçün "Rəqəmsallaşdırma proqramı"nın rəhbəri Ramil Eyyubov iştirak edirdilər.
 
Videotədbirdə çıxış edən Nəqliyyat, Rabitə və Yüksək Texnologiyalar naziri Ramin Quluzadə koronavirus pandemiyasının dünyada sürətlə yayıldığı və qlobal iqtisadi-ticari proseslərə ciddi təsir etdiyi bir dövrdə yüksək texnologiyalardan istifadənin prioritet olduğunu deyib. Nazir bu səbəbdən cənab Prezident və digər hökumət təşkilatları üçün videokonfrans keçirmək məqsədilə müvafiq infrastrukturun qurulması istiqamətində yaxından əməkdaşlığa və dəstəyə görə "Cisco" şirkətinin rəhbərliyinə təşəkkür edib. Bildirib ki, göstərdiyi dəstəyə görə şirkətin Azərbaycan üzrə regional direktoru Vladimir Orlova 21 aprel 2020-ci il tarixində Fəxri Fərman təqdim olunub.
 
"Ölkəmizdə yüksək texnologiyaların tətbiqi istiqamətində əməkdaşlığımızın daha da genişləndirilməsi vacibdir. Hazırda şirkətinizlə birlikdə 8 rəqəmsal prioritet üzərində işləyirik. Bu layihələrin həyata keçirilməsi ölkədə innovativ texnologiyaların inkişafında mühüm rol oynayır", – deyə Ramin Quluzadə əlavə edib.
 
"COVID-19" pandemiyası zamanı vacib vasitə olan videokonfranslar üçün "Connected Government" layihəsinin tətbiqindən danışan nazir bir sıra əhəmiyyətli görüşlərin "Cisco" şəbəkə texnologiyalarından və "Azcloud" platformasından istifadə edilərək təşkil edildiyini vurğulayıb. O, nazirliyin tabeliyində fəaliyyət göstərən "AzInTelecom"un özəl şirkətlər və dövlət orqanları üçün "Cisco" Görüş Serveri həlli mövzusunda "VCaaS" adı ilə tanınan videokonfrans xidmətinin tətbiqinə başladığını diqqətə çatdırıb. 
 
Ramin Quluzadə əməkdaşlığın vacib elementləri və prioritetlərinə toxunaraq bağlantı, eləcə də dekriminallaşdırma, "ağıllı" kənd təsərrüfatı və kibertəhlükəsizlik məsələlərini səmərəli şəkildə həyata keçirmək üçün birlikdə fəal işləndiyini qeyd edərək deyib: "Ağıllı şəhər" layihəsinə gəldikdə isə, "Əlaqələndirilmiş Mərkəzi Avtobus Dayanacağı" pilot layihə konsepsiyası uğurla tamamlanıb. 2019-cu ilin dekabr ayında Azərbaycan Respublikasının Prezidentinə və Birinci vitse-prezidentinə təqdim edilib. Azərbaycanın rəqəmsallaşdırma prioritetlərini tam müəyyənləşdirmək və ölkə iqtisadiyyatının inkişafında innovativ texnologiyaların tətbiqini genişləndirmək vacibdir. 
 
Nazir Ramin Quluzadə çıxışında tədris sahəsində əldə olunmuş uğurlu nəticələrdən də bəhs edib: "Nazirliyin İKT-nin Tətbiqi və Tədrisi Mərkəzi "Cisco" Şəbəkə Akademiyası Proqramı ilə sertifikatlaşdırılıb. Bu Tədris Mərkəzi, həmçinin "Cisco"nun Azərbaycandakı ofisi tərəfindən pulsuz təchiz edilmiş avadanlıqla "Cisco" Tədris Laboratoriyasını inşa edib. "Connected Schools" layihəsinin icrası da müsbət istiqamətdə inkişaf etməkdədir".

 





Baxış sayı: 1664

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






03 İyul 2020

02 07 2020

02/07/20
“HONOR” brendi “X10 Max” smartfonunu təqdim edib

“HONOR” brendi yeni “X10 Max” smartfonunu təqdim edib.

02/07/20
“COVID-19” pandemiyası dövründə elektron imzaya maraq artıb

“COVID-19” pandemiyası dövründə Nəqliyyat, Rabitə və Yüksək Texnologiyalar Nazirliyinin Məlumat Mərkəzi

02/07/20
“WhatsApp” messencerində bir neçə yeni funksiya əlçatan olub

Populyar “WhatsApp” messencerinin tərtibatçıları mütəmadi olaraq mobil kliyent üçün yeniləmələr ç

02/07/20
“Apple” tərtibatçıları yeni internet texnologiyalarından istifadəyə çağırır

“Apple” şirkəti “iOS” və “macOS” əməliyyat sistemləri üçün proqram

02/07/20
“Samsung” şirkəti “IFA 2020” sərgisində iştirakdan imtina edib

“Samsung” şirkəti sentyabrın əvvəlində planlaşdırılmış “IFA 2020” sərgisində iştirakdan imtina edib. Bu h

02/07/20
Pulsuz “Microsoft” təlim proqramı istifadəyə verilib

“Microsoft” şirkəti 25 milyon insana proqram tərtibatçısı, qrafik dizayner və məlumat analitiki bacarıqla

02/07/20
Mətni videoya çevirən ilk platforma təqdim olunub

Mətni videoya çevirən “synthesia.io” adlı yeni platforma istifadəyə verilib. Funksiyadan rəsmi saytda ist

02/07/20
Koronavirusu məhv edən robot yaradılıb

Bəhreyndə koronavirus və digər mikroorqanizmləri məhv edən robot hazırlanıb. Bu barədə “Daily Mail” nəşri

02/07/20
“mini-LED” ekranlı “MSI Creator 17” noutbuku satışa çıxarılıb

“MSI” şirkəti ilin əvvəlində “CES 2020” sərgisində təqdim edilən “Creator 17” noutbukunun satışlarına