12px13px15px17px
Tarix:01/06/20

Azərbaycanda poçt rabitəsinin yaradılmasından 202 il ötür

Azərbaycanda poçt rabitəsinin yaradılmasından 202 il ötür. Ölkəmizdə poçt rabitəsi Səfəvilərin hakimiyyəti dövründə (XVI əsr) inkişaf etməyə başlayıb. Müasir formada poçtun yaranması isə XIX əsrin 1-ci qərinəsinə təsadüf edir. 1818-ci ildə Gəncə şəhərində ilk poçt kontoru açılıb. 1826-cı ildə Bakıda, 1828-ci il martın 12-də isə Naxçıvanda poçt ekspedisiyası təşkil edilib. Rusiya ilə Zaqafqaziyanın ticarət əlaqələrini inkişaf etdirmək üçün 15 iyun 1830-cu ildə Şamaxı, Şuşa şəhərlərində 1-ci dərəcəli poçt kontorları, 1861-ci ildə ilk dəfə olaraq Xəzər dənizi ilə Qafqazın və İranın Rəşt və Astarabad limanları arasında dəniz poçt mübadiləsi yaradılıb.

 

Azərbaycanda poçtun dəmiryol nəqliyyatı ilə gündəlik daşınması 9 may 1883-cü ildə Bakı-Tiflis, 1900-cü ildə isə Bakı-Dərbənd arasında başlayıb. Poçtun dəmiryolu və dəniz nəqliyyatı ilə daşınması Azərbaycanda poçt rabitəsinin inkişafına xeyli dərəcədə təkan verib.

 

1918-ci il 6 oktyabrda Poçt və Teleqraf Nazirliyinin yaradılması ilə Azərbaycan poçtunun yeni inkişaf dövrü başlayıb. Respublikada iqtisadiyyatın və mədəniyyətin inkişafı, əhalinin sosial vəziyyətinin yaxşılaşması poçt xidmətlərinə olan tələbatı daha da artırıb.

 

II Dünya müharibəsi ərəfəsində respublikada iqtisadiyyatın və mədəniyyətin inkişafı, əhalinin sosial vəziyyətinin yaxşılaşması poçt xidmətlərinə olan tələbatı daha da artırıb. Bu dövrdə 1920-ci ilə nisbətən poçt rabitəsi şəbəkələrinin sayı 9 dəfə yüksələrək 524-ə çatdırılıb.

 

Azərbaycan poçtunun ən çətin və şərəfli dövrü II Dünya müharibəsi illərinə təsadüf edir. Belə ki, həmin dövrdə sayı artan poçt göndərişlərinin və əsgər məktublarının vaxtında ünvanlara çatdırılması bütün mənalarda məsuliyyət və iradə tələb edib. Fədakar poçt işçiləri bu işin öhdəsindən məharətlə gəlib. 1945-ci ildə Poçt Ekspedisiyası təşkil edilib. Bu, beynəlxalq poçt göndərişlərinin hərəkətinə və qorunub saxlanmasına imkan yaradıb.

 

Ulu Öndər Heydər Əliyev ötən əsrin 70-80-ci illərində poçt sahəsinə xüsusi diqqət göstərib. Təsadüfi deyil ki, həmin dövrdə respublikada 300-dən çox poçt şöbəsi binası tikilib. XX əsrin sonunda keçmiş SSRİ-nin dağılması və respublikamızın müstəqillik əldə etməsi ilə poçt rabitəsinin inkişafında da yeni mərhələ açılıb. Belə ki, xalqın təkidli tələbi ilə 1993-cü ildə ikinci dəfə hakimiyyətə gələn Ümummilli lider Heydər Əliyevin apardığı daxili siyasət nəticəsində ölkəmizdə ictimai-siyasi sabitlik bərqərar edildi və bütün sahələrdə olduğu kimi, poçt rabitəsinin inkişafına nail olundu. Bu gün Prezident İlham Əliyevin bu siyasəti uğurla davam etdirməsinin nəticəsidir ki, Azərbaycan poçtu ən böyük uğurlara imza atır.

 

“Azərpoçt” respublikamızda poçt xidmətləri göstərən yeganə milli poçt operatoru olduğuna görə onun üzərinə böyük vəzifələr düşür. Bu baxımdan bizim missiyamız həm fərdi şəxsləri, həm də biznes qurumlarını geniş çeşiddə və mümkün qədər daha böyük ərazidə keyfiyyətli poçt-maliyyə xidmətləri ilə tam təmin etməkdir. Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərpoçt” MMC ölkənin bütün ərazisində ən geniş xidmət şəbəkəsinə malikdir. Hazırda qurumun 63 Poçt filialı, 7 Rabitə qovşağı, 3 törəmə müəssisəsi, 1497 Poçt şöbəsi və 84 Poçt agentliyi mövcuddur.

 

Bir sıra nüfuzlu təşkilatların üzvü olan “Azərpoçt” Ümumdünya Poçt İttifaqının EMS (sürətli poçt xidmətləri) kooperativi tərəfindən dünyanın 160-dan çox poçt operatoru arasında sürətli poçt xidmətinin keyfiyyəti üzrə keçirilən yarışlarda ardıcıl 9 dəfə Qızıl səviyyəli sertifikata layiq görülüb.

 

Nəqliyyat, Rabitə və Yüksək Texnologiyalar Nazirliyi 2017-ci il fevral ayının 10-dan “Şəbəkə” layihəsinin tətbiqinə başlayıb. “Şəbəkə” xidmət mərkəzlərində nazirliyin bir sıra qurumlarının göstərdiyi xidmətlər bir məkanda təqdim olunur. “Şəbəkə” mərkəzlərində əhaliyə ənənəvi telekommunikasiya və poçt xidmətlərindən başqa, bank-maliyyə, eləcə də aviabilet satışı və turizm xidmətləri də göstərilir. Eyni zamanda, “Şəbəkə” mərkəzlərində lokal və beynəlxalq ödəniş kartlarının, icbari sığorta, elektron imza, zərf, marka, açıqca və aviabiletlərin satışı, pulköçürmələri, büdcə, kommunal, İpoteka və Kredit Zəmanət Fondu üzrə ödənişlər, mobil cihazların qeydiyyatı həyata keçirilir. Hazırda respublika üzrə 10 “Şəbəkə” xidmət mərkəzi fəaliyyət göstərir. Onlardan 6-sı paytaxt Bakıda, yəni Səbail, Yasamal (2), Binəqədi (2) və Xəzər rayonlarında, digər 4-ü Sumqayıt, Cəlilabad, Zaqatala və Ağdaş şəhərlərində yerləşir. Hazırda “Şəbəkə” xidmətinin Bakının bütün rayonlarını əhatə

 

etməsi üçün işlər aparılır. Növbəti mərhələdə isə “Şəbəkə” mərkəzlərinin respublikanın bütün böyük şəhər və rayonlarında açılması planlaşdırılır.

 

Qeyd edək ki, “Azərpoçt” MMC koronavirus (COVID-19) pandemiyası ilə əlaqədar xüsusi karantin rejiminin tətbiq olunduğu dövrdə dövlət tərəfindən həyata keçirilən bir sıra sosial layihələrə dəstək verib. Heydər Əliyev Fondunun başladığı “Biz birlikdə güclüyük” şüarı ilə keçirilən sosial aksiya çərçivəsində, eyni zamanda müqəddəs Ramazan ayı müddətində aztəminatlı və digər həssas kateqoriyadan olan ailələrə ərzaq məhsullarından ibarət sovqatlar paylanılıb.

 

İşsizlər və xüsusi karantin rejiminə görə işini itirən aztəminatlı şəxslər üçün birdəfəlik ödəmənin (190 manat) verilməsi prosesi poçt şöbələrində də uğurla həyata keçirilib. Layihə üzrə 590 mindən artıq vətəndaşa aprel ayı üçün ödənişlər “Azərpoçt” MMC tərəfindən təqdim edilib.

 

Xüsusi karantin rejimində vətəndaşların yaşadıqları ərazidən uzaqlaşmayaraq maliyyə xidmətlərindən istifadəsini təmin etmək üçün Bakıətrafı qəsəbələrdə səyyar poçt xidməti təşkil olunub.

 

Korporativ sosial məsuliyyət strategiyasına uyğun olaraq, fermerlərə qayğı göstərmək məqsədilə dəstək kampaniyası həyata keçirilib. İnsanların qapalı məkanlarda kütləvi toplanmasının qarşısını almaq üçün “Fermer kartları”nın “Azərpoçt” filialları vasitəsilə fermerlərin ünvanlarına çatdırılması təmin olunub.

 

Bu gün “Azərpoçt” MMC, Azərbaycan Respublikasının yeganə milli poçt operatoru olaraq vətəndaşlara fasiləsiz olaraq həftə içi hər gün, eyni zamanda şənbə, bazar və bayram günləri də xidmət göstərir. 169 Çağrı Mərkəzi vasitəsilə 24 saat ərzində vətəndaşların sualları cavablandırılır, təklifləri eşidilir və dəyərləndirilir. Bir sözlə, “Azərpoçt” MMC bu gün də quruda, dənizdə və havada fəaliyyətini uğurla davam etdirir.

 

 

 

 

 





Baxış sayı: 2409

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






15 İyul 2020

15/07/20
“6G” şəbəkəsi nə vaxt istifadəyə veriləcək?

“Samsung” şirkəti altıncı nəsil mobil rabitə şəbəkəsi haqqında onun təsəvvürlərini əks etdirən hesabat də

15/07/20
“Amazon” şirkəti kassiri əvəz edən ərzaq arabası təqdim edib

“Amazon” şirkəti “Dash Cart” adlı "ağıllı" ərzaq arabasını təqdim edib. Alıcı məhsulları arabaya qoyduqda

15/07/20
“iPhone SE” modelindən ucuz smartfon buraxılacaq

ABŞ-ın “Apple” şirkəti yeni “iPhone SE” modelindən ucuz olacaq smartfon buraxmaq niyyətindədir. Bu barədə

15/07/20
Britaniya “5G” şəbəkəsinin qurulmasında “Huawei” xidmətlərindən imtina edib

Böyük Britaniya hökuməti Çinin “Huawei” şirkətinin ölkədə beşinci nəsil mobil rabitə şəbəkəsinin qurulmas

14 07 2020

14/07/20
“LG” şirkəti dünyada ən kiçikölçülü “Bluetooth” modulu hazırlayır

“LG” şirkəti dünyada ən kiçikölçülü “Bluetooth” modulu hazırladığını elan edib. Dü

14/07/20
2020-ci ildə İT bazarının həcmi koronavirusa görə 7,3% azalacaq

“Gartner” tədqiqat şirkətinin analitikləri 2020-ci il üçün İT bazarı üzrə proqnoza düzəliş ediblər. Əvvəl

14/07/20
“One Netbook” hibrid minikompüteri planşetə çevrilir

Ultraportativ kompüterlərin hazırlanması ilə məşğul olan “One Netbook” şirkəti mühəndis və İT peşəkarları

14/07/20
“LG” şirkəti “Android 10” sistemi ilə işləyən yeni smartfonunu təqdim edib

“LG” şirkəti “Aristo 5” adlı başlanğıc səviyyəli yeni modelini təqdim etməklə öz smartfon çeşidini

14/07/20
“Google” Hindistan iqtisadiyyatının rəqəmsallaşdırılmasına 10 milyard dollar qoyacaq

“Google” şirkəti növbəti 5-7 il ərzində Hindistan bazarına 10 milyard dollar investisiya yatıracaq. Sərma

14/07/20
Çox sürətli “Oppo” enerjidoldurma qurğusu 10 dəqiqə ərzində smartfonu tam şarj edəcək

“Oppo” şirkəti 125 vatt gücündə çox sürətli enerjidoldurma qurğusunu təqdim etməyə hazırlaşır. Yenilik nə

14/07/20
Çində ilk sürücüsüz taksinin sınaqları keçirilir

Çinin “WeRide” startapı ölkədə ilk robotlaşdırılmış sürücüsüz taksilər servisini istifadəyə verəcək.

14/07/20
“Apple” “ağıllı” eynəyi üçün linzaların təcrübi istehsalına başlanılıb

“Apple” şirkəti və onun istehsalçı tərəfdaşı “Foxconn” əlavə reallıq texnologiyasına malik “ağıllı” e