12px13px15px17px
Tarix:10/08/20

“Toshiba” noutbuklar bazarını tərk edib

Yaponiyanın “Toshiba” korporasiyası “Dynabook” şirkətində malik olduğu payını sataraq noutbuk istehsalı üzrə biznesi tam tərk edib. Bu barədə “The Register” portalının məlumatında deyilir.

“ICTnews” Elektron Xəbər Xidməti “Regnum www.regnum.ru” resursuna istinadən yazır ki, “Toshiba” noutbuklar bazarında ilk istehsalçılardan olub. Belə ki, Yaponiya korporasiyasının ilk qurğusu 1985-ci ildə buraxılıb. 1990-cı illərin sonunda və 2000-ci illərdə “Toshiba” yalnız noutbuklar buraxmaqla lider fərdi kompüter istehsalçıları sırasında yer alıb.

Sonradan noutbuk bazarında əsas yerləri “Dell”, “HP”, “Apple” və “Lenovo” şirkətlərinin tutması ilə əlaqədar “Toshiba” 2018-ci ildə noutbuk istehsalı üzrə bölmənin səhmlərinin əksər hissəsini digər Yaponiya istehsalçısı – “Sharp” şirkətinə satıb.

“Sharp” şirkəti “Dynabook” brendli noutbukların buraxılışına başlasa da, “Toshiba” bu şirkətin səhmlərinin 19,9 faizinə sahib olub. 2020-ci ilin avqustunda “Toshiba” bu payını “Sharp” şirkətinə satmaqla noutbuk istehsalı üzrə biznesi tam tərk edib.

Nizam Nuriyev




Baxış sayı: 599

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024