12px13px15px17px
Tarix:27/08/20

“Ulefone Armor 8 5G” zərbəyədavamlı korpusla təchiz edilib

Çinin “Ulefone” şirkəti “Armor 8 5G” smartfonunun əks olunduğu videoçarx dərc edib. O, dünyada zərbəyədavamlı korpusla təchiz edilən beşinci nəsil mobil rabitə şəbəkəsi dəstəkli ilk smartfon olacaq.   
 
“ICTnews” Elektron Xəbər Xidməti “3DNews www.3dnews.ru” resursuna istinadən yazır ki, videoçarxa görə, “Ulefone Armor 8 5G” məlumatların 443 Mbit/saniyə sürətlə real qəbulu və 114 Mbit/saniyə sürətlə ötürülməsi ilə seçilir. Sürət Çinin “China Telecom” mobil rabitə operatorunun şəbəkəsində ölçülüb. Smartfonun dizaynı “LTE” dəstəkli “Armor 8” qurğusunun əsas versiyasından fərqlənmir. Yeni smartfonun 8 giqabaytlıq operativ yaddaşla birlikdə işləyən “MediaTek Dimensity 800” prosessoru ilə təchiz ediləcəyi gözlənilir. Smartfonun quraşdırılmış yaddaş tutumu 128 giqabayt, “Full HD+” təsvir ölçülü ekranın diaqonalı 6,7 düym təşkil edəcək. Ön kamera ekranın yuxarı hissəsində damcıvarı şəkildə yerləşəcək.
 
Xatırladaq ki, bundan əvvəl “5G” dəstəkli ilk mühafizəli smartfon adına 2018-ci ilin sonunda təqdim edilən “Ulefone Armor 6” layiq görülüb, lakin qurğu naməlum səbəblərə görə seriyaya “5G” dəstəyi olmadan daxil edilib.
 
Hazırda “Ulefone Armor 8 5G” smartfonunun qiyməti barədə məlumat verilmir.
 
Nizam Nuriyev







Baxış sayı: 689

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024