12px13px15px17px
Tarix:01/09/20

“Amazon” şirkəti bağlamaları pilotsuz təyyarələrlə çatdırmaq üçün icazə alıb

ABŞ-ın Federal Mülki Aviasiya İdarəsi ən böyük onlayn riteyler olan “Amazon” tərəfindən yaradılmış “Amazon Prime Air” pilotsuz təyyarələrlə çatdırılma xidmətinin fəaliyyətinə icazə verib. Bu, şirkətə sınaq kommersiya fəaliyyətinə başlamağa imkan verəcək.
 
“ICTnews” Elektron Xəbər Xidməti “vesti.ru” saytına istinadən yazır ki, “Amazon” şirkətinin rəsmisi hələ ki bu barədə ətraflı açıqlama verməyib. Şirkətin ABŞ-ın şimal-qərbində sınaq poliqonları var, bundan başqa pilotsuz təyyarələr Böyük Britaniyada sınaqdan keçirilib. Yalnız o məlumdur ki, şirkət ötən il nümayiş etdirilmiş hibrid konstruksiyalı 6 tərəfli multikopterlərdən istifadə edəcək.
 
Belə aparatlar üfüqi uçuş zamanı təyyarə kimi hərəkət edərək şaquli olaraq qalxa və enə bilər. Aparat infraqırmızı kameralar, dərinlik sensorları və sonarların kombinasiyası sayəsində hava məkanında hərəkət edə və maneələri dəf edə bilər.
 
Emil Hüseynov



Baxış sayı: 686

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024