12px13px15px17px
Tarix:24/09/20

“LG” orta büdcəli iki smartfonunu təqdim edib

“LG” şirkəti eyni anda ortabüdcəli “K62” və “K52” smartfonlarını təqdim edib.

 

“ICTnews” Elektron Xəbər Xidməti “4pda.ru” saytına istinadən yazır ki, “LG K62” smartfonu tərəflər nisbəti 20:9 və təsvir ölçüsü FULL HD olan 6,6 düymlük IPS ekran və 28 mp-lik selfi modul üçün kiçik dəliyə malikdir. Smartfonun arxa kamerası 4 sensordan ibarətdir: 48 mp-lik əsas, 115 dərəcə baxış bucağına malik 5 mp-lik super genişbucaqlı obyektiv, makroçəkiliş (2 mp) üçün modul və dərinlik sensoru.

 

Aparat 2,3 QHs takt tezlikli 8 nüvəli prosessor, 4 QB əməli yaddaş və 128 QB daşıyıcı (daxili yaddaşı artırmaq üçün “microSD” yaddaş kartından istifadə mümkündür) ilə təchiz edilib.

 

“LG K62” aparatında təhlükəsizlik üçün barmaq izləri skaneri quraşdırılıb. Daxili akkumulyatorun tutumu 4000 milliamper/saat təşkil edir. Smartfon “Android 10” versiyasının idarəetməsi altında işləyir. Yenilik, həmçinin “MIL-STD-810G” hərbi standartının tələblərinə uyğun olan möhkəm korpusa malikdir.

 

“LG K52” aparatı isə “Full HD” təsvir ölçülü 6,6 düymlük displey, 13 mp-lik ön kamera və 4000 milliamper/saat tutumlu akkumulyatorla təchiz edilib. Bundan başqa, smartfon 4 QB əməli yaddaş və “microSD” yaddaş kartını dəstəkləyən 64 QB daxili yaddaşa malikdir. Qurğunun başqa xüsusiyyətləri böyük modellə eynidir.

 

Emil Hüseynov





Baxış sayı: 467

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024