12px13px15px17px
Tarix:01/10/20

Çində “HUAWEI”nin smartfonları şəxsiyyət vəsiqəsini əvəz edəcək

Çinin “Huawei” şirkəti Şanxayda keçirilmiş “HUAWEI CONNECT 2020” konfransında “HMS” ekosisteminin yeni imkanlarını təqdim edib. Platformanın ən orijinal istifadəçi funksiyalarından biri universal eyniləşdirmə sistemi vasitəsilə dövlət qurumlarının xidmətlərinə təhlükəsiz girişdir. Bu funksiya vasitəsilə çinli istifadəçilər şəxsiyyət vəsiqəsi və başqa rəsmi sənədlərə alternativ kimi smartfondan istifadə edərək tibbi, bank və turizm xidmətlərindən yararlana biləcəklər.

 

“ICTnews” Elektron Xəbər Xidməti “4pda.ru” saytına istinadən yazır ki, “HUAWEI City Service” proqram platforması Çin ərazisində dövlət xidmətlərinin göstərilməsi üçün nəzərdə tutulub. Proqram platforması 6 regionu və 30-dan çox dövlət xidmətini əhatə edir. Gələcəkdə istifadəçilər “HUAWEI ID”nin köməyilə istənilən vaxt və istənilən yerdə dövlət strukturları ilə məsafədən qarşılıqlı əlaqə qura biləcəklər. Şəxsiyyət vəsiqəsindən tam imtina barədə danışmaq hələ ki tezdir – amma bir sıra vəziyyətlərdə “HUAWEI” smartfonu artıq şəxsiyyət vəsiqəsini əvəz edə bilər.

 

HMS dünyanın üçüncü ən böyük mobil proqram ekosistemi olub. Dünyada 1,8 milyondan çox qeydiyyatdan keçmiş tərtibatçı və “HMS Core” ilə inteqrasiya edilmiş 96 min mobil proqram ona daxildir.

 

Emil Hüseynov





Baxış sayı: 234

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024