12px13px15px17px
Tarix:13/12/11

“İntel” korporasiyası rüblük proqnozunu yenidən nəzərdən keçirib

Dünyanın ən böyük prosessor istehsalçısı “İntel” korporasiyası bu gün bildirib ki, şirkətin fəaliyyətinin nəticələri dördüncü rübdə əvvəl bildirilmiş proqnozlardan aşağı olacaq. Buna səbəb isə sərt disk çatışmazlığıdır.

Qeyd edək ki, sərt disk çatışmazlığı Taylandda istehsal müəssisələrinin dayanması ilə bağlı yaranıb. Buna Taylandda son 50 ildə baş vermiş güclü daşqın səbəb olub.

Bundan əvvəl “İntel” korporasiyasının nümayəndələri bildirirdilər ki, şirkət baş vermiş daşqının əməliyyat maliyyə nəticələrinə təsirini gözləmir.

“İntel” korporasiyasının yenilənmiş proqnozuna əsasən, şirkət dördüncü rübdə 13,7 milyard dollar dəyərində mədaxil etməyi planlaşdırır. Bundan  əvvəl “İntel” korporasiyası 14,7 milyard dollar dəyərində mədaxil əldə edəcəyini proqnozlaşdırırdı.




Baxış sayı: 727

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020