12px13px15px17px
Tarix:27/11/20

Mikroçip yaradıcıları “Alman gələcəyi” mükafatına layiq görülüb

Mikroçiplərin hazırlanması üzrə innovativ texnologiya hazırlayan tədqiqatçılar qrupu Almaniyanın ən əsas elmi mükafatına – “Alman gələcəyi” mükafatına layiq görülüb. Bu barədə “DW” telekanalının məlumatında deyilir.

 

“ICTnews” Elektron Xəbər Xidməti “Belta” resursuna istinadən yazır ki, noyabrın 25-də Berlində Almaniya Prezidenti Frank-Valter Ştaynmayer mükafatı “Zeiss”, “Trumpf” şirkətlərini və Yena şəhərində yerləşən Fraunqofer adına Tətbiqi Optika və Dəqiq Mexanika İnstitutunu təmsil edən tədqiqatçılar Peter Kyurts, Mixael Kesters və Sergey Yulinə təqdim edib.

 

Tədqiqatçılar qrupunun fəaliyyətini şərh edən iqtisadiyyat naziri Peter Altmayer qeyd edib ki, onlar mikroçiplərin məhsuldarlığını avtonom avtomobil idarəetməsi və süni intellekt kimi istiqamətlər üçün lazım olan səviyyəyə çatdırıblar. Məsələn, bunun üçün tədqiqatçılar tərəfindən nanoelektronikanın ən perspektivli istiqamətlərindən biri olan dərin ultrabənövşəyi fotolitoqrafiya metodundan istifadə edilib.

 

Mükafatın bir hissəsinin (təxminən 250 min avro) xeyriyyəçilik məqsədləri üçün ayrılması planlaşdırılır.

 

“Alman gələcəyi” mükafatı 1997-ci ildən ənənəvi olaraq Almaniya Prezidenti tərəfindən təqdim olunur.

 

Nizam Nuriyev





Baxış sayı: 460

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024