12px13px15px17px
Tarix:27/11/20

Yeddi “Nokia” televizoru təqdim edilib

"Nokia" brendi Avropada "Smart TV" funksiyalı və 32-75 düym diaqonallı yeddi televizor təqdim edib.

 

"ICTnews" Elektron Xəbər Xidməti "4PDA" resursuna istinadən yazır ki, seriyanın bütün modelləri "Mali 470 MP3" qrafik sürətləndiricisinə malik dördnüvəli "ARM CA55" prosessoru üzərində qurulub. Yeni qurğuların operativ yaddaş tutumu 1,5 giqabayt, quraşdırılmış isə 8 giqabayt təşkil edir. İstisna yalnız 1 giqabayt operativ yaddaşlı 32 düymlük versiyaya aiddir. Televizorlar "Android TV 9.0" əməliyyat sisteminin idarəetməsi ilə işləyir.

 

Bütün qurğular "Wi-Fi 802.11ac" və "Bluetooth 4.2" simsiz rabitə modulları ilə təchiz edilib. Simli interfeyslər dəstinə dörd "HDMI" portu (biri ARC dəstəklidir), iki "USB 2.0 Type-A" və "Ethernet" çıxışı daxildir. Quraşdırılmış akustika 12 vatt (32 düym), 20 vatt (43, 50, 55, 58 düym) və 24 vatt (65, 75 düym) gücündə və "Dolby Digital Plus" və "DTS Sound 12" texnologiyalarını dəstəkləyən dinamiklərlə təmsil olunub. Model sırasının daha bir xüsusiyyəti işıqlandırıcıya malik distansiyadan idarəetmə pultudur.

 

Yaxın vaxtlarda Avropada satışa çıxarılacağı gözlənilən yeni televizorların qiyməti diaqonaldan asılı olaraq dəyişəcək: "Nokia Smart TV 32" – 399,90 avro, "Nokia Smart TV 43" – 549,90 avro, "Nokia Smart TV 50" – 599,90 avro, "Nokia Smart TV 552 – 699,90 avro, "Nokia Smart TV 58" – 799,90 avro, "Nokia Smart TV 65" – 899,90 avro, "Nokia Smart TV 75" – 1399,90 avro.

 

Nizam Nuriyev





Baxış sayı: 241

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Yanvar 2021

16 01 2021

16/01/21
“HP EliteBook 805 G8” noutbuklar seriyasına üç model daxildir

“HP” şirkəti “EliteBook 805 G8” seriyalı portativ kompüterlər təqdim edib. Korporativ istifadəçilər

16/01/21
Beynəlxalq vaksinləmə pasportu yaradılacaq

“Microsoft”, “Oracle” və “Salesforce” və bir sıra digər şirkətlər vahid rəqəmli vaksinləmə