12px13px15px17px
Tarix:03/12/20

Noyabrın ən sürətli “Android” smartfonları məlum olub

Mobil qurğuların sürətini qiymətləndirməyə imkan verən “AnTuTu” saytı “Android” əməliyyat sisteminin idarəetməsi ilə işləyən ən yüksək məhsuldarlığa malik qabaqcıl səviyyəli smartfonların siyahısını yeniləyib. Noyabrın yekunları üzrə böyük dəyişikliklər baş verməyib: bir ay əvvəl olduğu kimi, reytinqə “Huawei Mate 40 Pro+” smartfonu başçılıq edir.
 
“ICTnews” Elektron Xəbər Xidməti “Vesti www.vesti.ru” resursuna istinadən yazır ki, ikinci yeri onun 8 giqabaytlıq operativ yaddaş tutumuna malik daha sadə “Mate 40 Pro” versiyası tutub. Hər iki qurğu “Kirin 9000” – “Huawei” şirkətinə məxsus prosessor əsasında qurulub. İlk onluğa daxil olan digər bütün qurğulara “Qualcomm” şirkətinin “Snapdragon 865” çipi quraşdırılıb.  
 
“Mi 10 Ultra” son ayda orta nəticəni yaxşılaşdırıb. “Xiaomi” modeli üçüncü pilləyə yüksələrək “Redmi K30S Extreme Edition” və “Vivo X50 Pro+” smartfonlarını geridə qoyub. Beşliyi təxminən eyni sayda bal toplayan “iQOO 5” və “iQOO 5 Pro” tamamlayıb. “Asus ROG Phone 3” oyun smartfonu iki mövqe itirərək doqquzuncu yeri tutub.
 
Reytinq tərtibatçılarının sözlərinə görə, “Snapdragon 888” – yeni “Qualcomm” prosessoru buraxılanadək güclər nisbətində dəyişikliklər gözlənilmir. Çip 2021-ci ilin əsas qabaqcıl “Android” smartfonlarına, o cümlədən “Samsung”, “OnePlus”, “LG” və digər istehsalçıların qurğularına quraşdırılacaq. “Xiaomi” artıq “Mi 11” modelinin ən yeni “Qualcomm” çipi ilə təchiz ediləcək dünyanın ilk smartfonlarından olacağını rəsmən təsdiq edib.  
 
Orta sinifli smartfonlar reytinqində də köklü dəyişikliklər baş verməyib. Qalib “Redmi 10X 5G” olaraq qalsa da, onun eyni “Dimensity 820” çipinə malik nisbətən bahalı “Redmi 10X Pro 5G” versiyası üçüncü pilləyə enib. Üçüncü yerə ilk dəfə “Huawei Nova 7 Pro” modeli layiq görülüb.
 
Nizam Nuriyev




Baxış sayı: 293

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Yanvar 2021

21/01/21
“6G” texnologiyasının üstünlükləri bəlli olub

“5G” texnologiyası hələ geniş yayılmayıb, amma mütəxəssislər artıq “6G” texnologiyasını müzakirə edirlər. 

21/01/21
“Google” servisli ilk “Honor” smartfonu məlum olub

“Google” servislərinə malik ilk “Honor” smartfonu “V40” modeli olacaq. Bu barədə “Mobiltelefon”

21/01/21
Yeni “Snapdragon 870” mobil prosessoru təqdim edilib

“Qualcomm” şirkəti bahalı smartfonlar üçün “Snapdragon 870” adlı yeni mobil prosessorunu təqdim edib. İ

21/01/21
“Microsoft” avtonom avtomobillər istehsalçısına 2 milyard dollar yatırıb

“Microsoft” korporasiyası ABŞ-ın “General Motors” konserninin avtonom avtomobillərin istehsalı ilə məşğul

21/01/21
Bu il kibertəhlükəsizlik sahəsində xərclər artmaqda davam edəcək

“Canalys” şirkəti 2021-ci ildə kibertəhlükəsizlik vasitələri bazarının inkişafı üzrə proqnoz açıqlayıb.

21/01/21
“Honor Smart Screen X1” televizoru buraxılıb

Yanvarın 20-dən 75 düym diaqonallı və “4К” formatlı (3840 × 2160 piksel) qabaqcıl “Honor Smart Screen X1”

20 01 2021