12px13px15px17px
Tarix:03/03/21

Qatlanan “iPhone” haqqında yeni təfərrüatlar məlum olub

İlk qatlanan "Apple" smartfonu 2023-cü ilə buraxılacaq. Bu barədə "9to5mac" nəşrinin məşhur bloger Min-Çi Koya istinadən məlumatında deyilir.

 

"ICTnews" Elektron Xəbər Xidməti "Lenta" resursuna istinadən yazır ki, "TF International Securities" şirkətinin analitikinin hesabatına görə, yeni qurğunun buraxılışı ilə "Apple" bükülən aparatların əsas problemini həll etməyə hazırlaşır. Söhbət istismar müddəti adi monolit panellərdən az olan elastik ekran matrisalarının zəif möhkəmliyindən gedir. "Apple" bu problemi aradan qaldıran texnologiyanı hazırlaya bilməsə, şirkət riskə getməyəcək və qurğunun buraxılışını təxirə salacaq.

 

Bundan başqa, açıqlanan məlumatlarda qurğu haqqında yeni detallar sadalanıb. Min-Çi Ko əmindir ki, "Apple" 7,5 və 8 düymlük diapazon arasında "iPhone" modelinin buraxılışını planlaşdırır. Bir müddət əvvəl analitiklərin verdiyi məlumata görə, qatlanan smartfon 7,3-7,6 düymlük ekrana malik olacaq və elektron qələmlə (stilus) işi dəstəkləyəcək.

 

Blogerin fikrincə, yeni bazar seqmentinə daxil olmaq üçün ABŞ şirkəti əvvəlcə tədarükü təşkil etməli və komponent hissələrin kütləvi çatışmazlığı ilə bağlı problemi həll etməlidir. Məsələn, ilin əvvəlində mütəxəssislər mikroprosessor çatışmazlığının davam etməsini bildiriblər.

 

Ekspert əlavə edib ki, "Apple" texnoloji və istehsal kimi hər iki problemi həll etsə, qatlanan "iPhone" modelinin təqdimatı 2023-cü ildə baş tutacaq.

 

Nizam Nuriyev





Baxış sayı: 401

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024