12px13px15px17px
Tarix:17/01/12

İdarələrarası məlumat-axtarış sisteminin istismarı üzrə yeni qaydaları təsdiqlənib

Azərbaycan Nazirlər Kabineti "Giriş-çıxış və qeydiyyat" idarələrarası avtomatlaşdırılmış məlumat-axtarış sisteminin (İAMAS) istismarı qaydalarını təsdiqləyib və idarələrarası avtomatlaşdırılmış məlumat-axtarış sistemi daxilində dövlət orqanlarının informasiya resurslarından istifadəyə buraxılış dərəcəsini müəyyən edib.

Qaydalar İAMAS altsistemlərinin istismarı, informasiya resurslarının formalaşdırılması, uzlaşdırılması və istifadəsi, onun istismarına proqram-texniki dəstək, təhlükəsizlik və inkişaf tədbirləri üzrə kompleks prosedurları müəyyən edir.

İAMAS-ın infrastrukturu ölkə ərazisində bu sistemə qoşulmuş dövlət orqanları aparatlarının (polis orqanlarının qeydiyyat və şəxsiyyət vəsiqəsi üzrə şəhər (rayon) şöbə və bölmələri, yaşayış yeri üzrə qeydiyyat barədə məlumatların verilməsi ilə bağlı fəaliyyəti həyata keçirən qurum, polis orqanlarının regional pasport mərkəzləri, sərhəd nəzarəti məntəqələri, Azərbaycan Respublikasının diplomatik nümayəndəlik və konsulluqları) qarşılıqlı fəaliyyətini təmin edir.

Nazirlər Kabinetinin təsdiqlədiyi sənəddə vətəndaşlar haqqında biometrik məlumatların qeydiyyatı qaydaları da müəyyən edilib.




Baxış sayı: 1351

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024