12px13px15px17px
Tarix:21/01/12

Nazir Əli Abbasov: “Azərbaycan saytlarına kibermüdaxilələr İran və Niderlanddan olub”

Azərbaycanın rabitə və informasiya texnologiyaları naziri Əli Abbasov yanvarın 16-da ölkədə fəaliyyət göstərən 25 internet resursuna kibermüdaxilə olunması ilə bağlı açıqlama verib.
 
Nazir bildirib ki, son illər əsasən inkişaf etmiş ölkələrdə kibermüdaxilələrin artması müşahidə olunur ki, bu da internetin inkişafı ilə bağlıdır: "Bizim regionda, o cümlədən İran, İsrail və Səudiyyə Ərəbistanında da belə hallara rast gəlinir".
 
Ə.Abbasov yanvarın 16-da baş verən kibermüdaxilələrin nəticələrinin iki saat ərzində aradan qaldırıldığını bildirib: "Bu istiqamətdə araşdırmalarımız başa çatıb.

Məlum olub ki, kibermüdaxilələr Rabitə və İnformasiya Texnologiyaları Nazirliyi ilə Xüsusi Dövlət Mühafizə Xidmətinin serverində yerləşən saytlara olub. Müdaxilələrin 24-ü İrandan, 1-i isə Niderlanddan olub".
 
Nazir hadisə ilə bağlı dünən iranlı həmkarına məktub göndərdiyini vurğulayıb: "Məktubda İranın rabitə nazirindən xahiş etmişəm ki, kibermüdaxilələrin olunduğu dəqiq ünvanlar müəyyənləşsin. Adətən kibermüdaxilələrin gəldiyi ölkələr tranzit ölkə olaraq seçilir. İnanıram ki, bu qanunsuz haker fəaliyyətinin İran hökumətinə, İranın heç bir dövlət strukturuna aidiyyəti yoxdur.

Yanvarın 17-də İranın 35, yanvarın 19-da isə Ermənistanın 315 saytına müdaxilə olunub. Azərbaycan bu məsələlərdə diqqəti artırmalıdır və təkcə region ölkələri ilə deyil, bütün ölkələrlə beynəlxalq əməkdaşlığı gücləndirməlidir. Bu sahədə İrana yardım lazım olsa, kömək etməyə hazırıq".
 
Ə.Abbasov deyib ki, Azərbaycanda internet səhifələrinin açılması sahəsində sərbəstlik olduğundan, belə boşluqlar yaranır, qeyri-peşəkar saytlar yaradılır: "Qərara gəlmişik ki, bu sahədə kompleks tədbirlər həyata keçirək. Bura normativ hüquqi sənədlərin hazırlanması, texniki və təşkilati tədbirlərin həyata keçirilməsi aiddir. Ola bilsin ki, bundan sonra dövlət saytları yaradılarkən xüsusi sertifikatlar tətbiq olunsun".




Baxış sayı: 883

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






12 İyul 2020

11 07 2020

11/07/20
“Xiaomi Mi Band 4” dünyada ən populyar fitnes bilərzikdir

Çinin “Xiaomi” şirkətinin rəsmi “Twitter” hesabında “Mi Band 4” fitnes trekerinin daşınan qurğular kateqori

11/07/20
“iPhone 12” smartfonunun qiyməti məlum olub

Yeni “iPhone” modelləri aktual nəsil “Apple” smartfonlarından daha bahalı olacaq

11/07/20
Dünyada ən populyar zərərli proqram təminatları bəlli olub

Bu ilin iyununda kibercinayətkarlar spam məktublar vasitəsilə bir çox hallarda qurbanların

11/07/20
Azərbaycan nümayəndəsi növbəti dövr üzrə ÜPİ-nin Xidmət Keyfiyyəti Fondu Şurasının sədr müavini seçildi

Ümumdünya Poçt İttifaqının (ÜPİ) Xidmət Keyfiyyəti Fondu (Quality of Service Fund – QSF) Şurasının iclasları “COVİD-