12px13px15px17px
Tarix:02/02/12

“YouTube” abunə yolu ilə videoxidmətlər göstərə bilər

Hal-hazırda “YouTube” portalı üçün ən münasib və faktiki olaraq yeganə əhəmiyyətli qazanc mənbəyi reklam olmasına baxmayaraq, layihə alternativ  gəlir variantları üzərində planlar qurur,- “YouTube” videohostinqinin baş direktoru Salar Kamanqar bildirib.

Kaliforniyada keçirilmiş “Dive İnto Media” konfransında çıxış edən Salar Kamanqar bildirib ki, şirkət məzmun-provayderlər üçün ixtisaslaşdırılmış xidmət açılması imkanını müzakirə edir.

Xidmət çərçivəsində məzmun-provayderlər abunə sistemi üzrə işləyən videoxidmət təşkil edə biləcəklər. Lakin Kamanqar qeyd edib ki, “YouTube” hələ ki bu layihə ilə bağlı  birmənalı fikrə gəlməyib.


Konfransda çıxışı zamanı “YouTube” rəhbəri qeyd edib ki, abunə sistemi üzrə işləyən xidmətlər konsepsiyası bəlkə də gələcəkdə videohostinqin əsas gəlir mənbəyini təşkil edəcək. "Hal-hazırda “YouTube”-un bazası təxminən 800 milyona bərabərdir" – “YouTube” rəhbəri qeyd edib. Bu da  provayderlər üçün geniş imkanlar açır.




Baxış sayı: 1216

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024