İKT

Tarix:01/07/11

“İlin müəllimləri”nin 47%-i İKT üzrə təlimlərdən keçib

2008-2010-cu illərdə “İlin müəllimi” adını daşıyan müəllimlərin 47%-i informasiya kommunikasiya texnologiyalarının təhsildə tətbiqi üzrə təlimlərdən keçib. “Mədəd” təşkilatının icraçı direktoru Vüsal Xanlarovun sözlərinə əsasən, treninqlər “2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində “Mədəd” təşkilatı tərəfindən keçirilir.
V.Xanlarov qeyd edib ki, hər il “İlin müəllimi” müsabiqəsinin 95 qalibi olur. Onlardan 35 müəllim 2008-ci ildə, 48 müəllim 2009-cu ildə, 50 müəllim isə 2010-cu ildə Dövlət Proqramı çərçivəsində “Mədəd” təşkilatının təlimlərində iştirak edib.
Hazırda “2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində “Mədəd” təşkilatı tərəfindən keçirilən təlimlərdə 40 mindən artıq müəllim iştirak edib.

Baxış sayı: 1238