12px13px15px17px
Tarix:07/06/18

Polşa poçtunun nümayəndəsi: “Şəbəkə” layihəsi poçt sahəsində atılan unikal addımdır”

Polşa poçtunun vitse-prezidenti və İdarə Heyətinin üzvü Vieslav Vlodekin rəhbərlik etdiyi nümayəndə heyəti Nəqliyyat, Rabitə və Yüksək Texnologiyalar Nazirliyi "Azərpoçt" MMC-də olublar.
 
"Azərpoçt" MMC-nin baş direktoru Emin Əfəndiyev qonaqlara  Azərbaycanda poçt sahəsində həyata keçirilən işlər və reallaşdırılan beynəlxalq əhəmiyyətli layihələr barədə ətraflı məlumat verib.
 
E.Əfəndiyev xüsusilə vahid məkanda poçt və telekommunikasiya xidmətləri təqdim edən "Şəbəkə" layihəsi, itirilən sənədlərin tapılaraq sahibinə qaytarılmasına xidmət edən "Poçtap" xidməti və Azərbaycanı regional tranzit poçtdaşıma mərkəzinə çevirən "HUB" layihəsi ilə bağlı nümayəndə heyətini məlumatlandırıb.
 
O bildirib ki, Azərbaycanın yerləşdiyi əlverişli geostrateji mövqe, respublikamızda regional və beynəlxalq nəqliyyat dəhlizlərinin formalaşması, eləcə də Bakının iri nəqliyyat-logistika mərkəzinə çevrilməsi beynəlxalq elektron ticarət məhsullarının poçt vasitəsilə daşınma və çatdırılması baxımından ölkəmiz üçün yeni imkanlar açıb.

"Bunun nəticəsi olaraq Azərbaycan poçtu ölkələrarası elektron ticarətin həyata keçirilməsi üçün regional tranzit poçt mərkəzi (HUB) kimi fəaliyyət göstərir. "Azərpoçt" MMC elektron ticarət məhsullarını poçt kimi emal edərək, onların MDB və digər ölkələrə daşınma və çatdırılmasını həyata keçirir. Hazırda layihə üzrə fəaliyyətin genişləndirilməsi məqsədilə Çində, Cənubi Koreyada və Sinqapurda ekspress daşıyıcı kimi fəaliyyət göstərən digər şirkətlərlə də danışıqlar aparılır və yaxın zamanlarda daha iri həcmlərdə e-ticarət məhsullarının Azərbaycan üzərindən xarici ölkələrə daşınması və çatdırılması planlaşdırılır" - deyə baş direktor qeyd edib.
 
Görüşdə qarşılıqlı olaraq əməkdaşlıq əlaqələrinin genişləndirilməsi, birgə layihələrin reallaşdırılması kimi məsələlər müzakirə olunub.
 
Polşa poçtunun nümayəndələri Azərbaycan poçtu ilə əməkdaşlıqda maraqlı olduqlarını qeyd edib. 
 
Sonra qonaqlar "Şəbəkə" xidmət mərkəzində yaradılan şəraitlə tanış olublar.
 
Polşa poçtunun Beynəlxalq əlaqələrin inkişafı və strategiyası şöbəsinin direktoru Krjiştof Qorski "Şəbəkə" layihəsini poçt sahəsində atılan unikal addım adlandırıb.
 
Qeyd edək ki, 460 il bundan əvvəl yaradılan Polşa milli poçt operatoru "Poczta Polska" Ümumdünya Poçt İttifaqının üzvü olan 192 ölkə arasında fəaliyyət tarixinə və inkişafına görə ilk 10-luqda yer alır. 




Baxış sayı: 318

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 İyun 2018

23 06 2018

23/06/18
İlk ümumdünya “5G” standartı təsdiq edilib

Mobil sənaye və “3GPP” konsorsiumu avtonom “5G” spesifikasiyasını rəsmən təsdiq ediblər.

23/06/18
“YouTube”da populyar kanallar ödənişli olacaq

“Google” şirkətinə məxsus “YouTube” videohostinqi tamaşaçılarının sayı 100 mindən çox populyar 

23/06/18
“Google Chrome” brauzeri internetə qoşulmadan işləyəcək

“Google Chrome” brauzeri “ağıllı” oflayn rejimlə təchiz edilib. Yenilənmə proqrama smartfona 

23/06/18
Təyyarənin bortunda “Wi-Fi” sürətli olacaq

Alimlər uçuşlar zamanı yüksək keyfiyyətli rabitə üçün “Wi-Fi” hazırlayırlar. Karlsruye Texnologiya İnstitutun

23/06/18
ABŞ Yer kürəsinin asteroidlərdən qorunması üçün səyləri artırır

ABŞ hökuməti Yer kürəsində regionları və ya qitələri məhv edə biləcək asteroidlərdən qorunmaq