12px13px15px17px
Tarix:18/02/13

Azərbaycanlı şagirdlər informatika və informasiya texnologiyaları üzrə beynəlxalq distant müsabiqəyə qoşulacaqlar

Azərbaycanlı şagirdlər "Bebras" İnformatika və informasiya texnologiyaları üzrə beynəlxalq distant müsabiqəyə qoşulacaqlar. "ICTnews" elektron xəbər xidmətinə bu barədə Təhsil Nazirliyindən məlumat verilib. Nazirlikdən qeyd edilib ki, "Bebras" ("Qunduz", "Bobyor") müsabiqəsinin keçirilməsində əsas məqsəd informasiya və kommunikasiya texnologiyaları sahəsinə marağın artırılması, eləcə də informatika fənninin bütün məktəblilər üçün əsas elm sahəsinə çevrilməsinə xidmət etməkdən ibarətdir.

Eyni zamanda məqsəd tələbə, şagird və müəllim heyəti tərəfindən təhsildə informasiya texnologiyalarının daha intensiv şəkildə tətbiqinə nail olmaq, məktəbdə uşaqları informasiya texnologiyaları ilə daha erkən yaşdan maraqlandırmaq, şagirdlərin alqoritmlər və məntiqi təfəkkürünün inkişafı ilə yanaşı, onların informasiya mədəniyyətini formalaşdırmaq, həmçinin yaradıcı potensialını inkişaf etdirmək, informasiya texnologiyasından daha sürətli, yaradıcı formada istifadə edən tələbə və şagirdləri müəyyən etməkdir. Müsabiqəsinin əsas prinsipləri dünyada məşhur olan "Kenquru" riyaziyyat yarışmasından götürülüb.

Amma yarışmalar arasında əsas fərq odur ki, "Bebras" tam kompüterləşmiş və internet vasitəsilə distant şəkildə - onlayn rejimdə həyata keçirilir. Müsabiqənin keçirilməsində vacib şərt məktəblərdə internetə qoşulmuş kompüter otaqlarının olmasıdır. Yarışma internetə çıxışı olan məktəblərin kompüter siniflərinin bazasında və ya fərdi şəkildə uşaqların internetə çıxışı olan şəxsi kompüterləri olduğu halda keçirilir. Məktəblərin bu yarışmada iştirak etməsi üçün əvvəlcədən təşkilatçı müəyyənləşdirilməli, onun vasitəsilə müsabiqənin keçirildiyi "http://bebras.ru/" saytına ərizə ilə müraciət etməli və bunun üçün müəyyənləşdirilmiş xərcləri ödəməlidir. Məktəb təşkilatçıları ilə əlaqə sayt və ya elektron ünvan vasitəsilə aparılır. Nəticələr hər yaş qrupu üzrə ayrıca aparılır.

Müsabiqədə ümumi təhsil və peşə təhsili müəssisələrinin şagirdləri iştirak edə bilər. İştirakçılar 3-4, 5-6, 7-8 və 9-10-cu siniflər üzrə bölünür. Yarışdan sonra hər bir iştirakçı şəxsi qeydiyyat vəsiqəsi ilə müsabiqənin saytına daxil olaraq nəticələrlə tanış ola bilər. Qaliblər diplom və hədiyyələrlə mükafatlandırılır. Daha çox iştirakçı cəlb etmiş məktəblər, fəal məktəb təşkilatçıları fəxri fərman və hədiyyələrlə təltif olunur. Müsabiqənin finalı noyabr ayında baş tutacaq.

Qeyd edək ki, "Bebras" (Qunduz) müsabiqəsinin ideyası Vilnüs Universitetinin professoru Valentina Daqen tərəfindən beynəlxalq təşəbbüs kimi irəli sürülüb və müsabiqənin "Qunduz" adlandırılması ideyası onun 2003-cü ildə Finlandiyaya səfəri zamanı meydana gəlib. İnadkar, zəhmətsevərliliyi, məqsədinə çatana qədər cəhd göstərməsi kimi xüsusiyyətləri müsabiqənin də məhz bu ağıllı heyvanın şərəfinə adlandırılması ilə nəticələnib. Beləliklə, ilk müsabiqə 2004-cü ildə Litvada keçirilib.

Hazırda müsabiqədə 21 üzv ölkə (Avstriya, Kanada, Estoniya, Fransa, Macarıstan, Yaponiya, Litva, Polşa, Sloveniya, İsveçrə, Ukrayna, Bolqarıstan, Çex Respublikası, Finlandiya, Almaniya, İtaliya, Latviya, Niderland, Slovakiya, İsveç, Tayvan) iştirak edir. İsrail, Rusiya, Kipr Respublikası, ABŞ, Böyük Britaniya, İspaniya kimi dövlətlərdə də müsabiqənin keçirilməsi nəzərdə tutulur.

Azərbaycan adıçəkilən müsabiqəyə 2013-cü ildə qoşulub. "Bebras" müsabiqəsinin fəaliyyəti Bebras üzrə Beynəlxalq Komitə tərəfindən koordinasiya edilir.

Həqiqət İSABALAYEVA



Baxış sayı: 1280

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 İyul 2018

17/07/18
Robot bağban otaq bitkilərinə qulluq etməkdə kömək edir

“Vincross” şirkəti tərəfindən yaradılmış robot bağban otaq bitkilərinə qulluq edir

17/07/18
Təlimli robotlar hərbçilərə kömək edəcək

ABŞ Ordusu və Karnegi-Mellon Universitetinin mütəxəssisləri beynəlxalq konfrans çərçivəsində robotların təlimi üçü

17/07/18
“Skype”da danışıqları yadda saxlamaq mümkün olacaq

Skype” videomessencerinin növbəti yeniləməsində səsli və videozənglərin yazılması funksiyası əlçatan olacaq

17/07/18
Britaniyada ilk kosmodrom Şotlandiyada tikiləcək

Böyük Britaniya ərazisində ilk kosmodrom 2020-ci ildə inşa olunacaq

16 07 2018

16/07/18
“YouTube” müəllif hüquqlarını pozmuş videoları axtaran funksiya istifadəyə verib

“YouTube” videohostinq platforması tərəfindən istifadəyə verilmiş “Copyright Match” aləti müəllif hüquqlarını 

16/07/18
“Gartner”: “Bu il süni intellekt biznesə 1,2 trilyon dollar qazandıracaq”

“Gartner” analitik şirkəti 2018-ci ildə dünyada süni intellekt texnologiyaları ilə əlaqədar biznesin birbaşa və 

16/07/18
Yeni texnologiya elektromobili 10 dəqiqəyə enerji ilə dolduracaq

İsrailin “Chakratec” startapı elektromobili 10 dəqiqəyə enerji ilə doldurmağa imkan verən enerjidoldurma 

16/07/18
“WhatsApp” messencerində mesajlar üçün yeni nişan tətbiq ediləcək

“WhatsApp” istifadəçilərə proqramı açmadan mesajı oxunmuş kimi nişanlamağa imkan verəcək.

16/07/18
Smartfonların avtonom iş müddətinin 5 dəfə artırılması üsulu tapılıb

Avtonom iş müddəti bir çox qurğuların (smartfon, planşet, noutbuk, “ağıllı” saat, simsiz qulaqlıq, hətta 

16/07/18
İlk üçölçülü rəngli rentgen şəkli çəkilib

Yeni Zelandiya alimləri tibbi diaqnostika sahəsini inkişaf etdirəcək texnika vasitəsilə dünyada ilk dəfə olaraq 

16/07/18
Təhlükəsizliyə görə “Chrome” brauzerinin məhsuldarlığı aşağı düşəcək

Dünyanın ən populyar masaüstü brauzerində başlanğıc ayar kimi istifadə edilən arxitektura tamamilə 

16/07/18
Sərnişin multikopteri nümayiş olunub

ABŞ-ın “Opener” şirkəti vertikal uçuşlu və enişli “BlackFly” fərdi uçuş aparatını