Qiymətli Kağızlar üzrə Dövlət Komitəsi elektron xidmətlərin sayını 60-a qədər artırmağı planlaşdırır
«Elektron xidmətlərlə bağlı Qiymətli Kağızlar üzrə Dövlət Komitəsinin rəsmi internet səhifəsində «Elektron xidmət» bölməsi yaradılıb. Hazırda 11 xidmət üzrə fəaliyyət göstərilir». Bu fikirləri “İCTnews” elektron xəbər xidmətinə Qiymətli Kağızlar üzrə Dövlət Komitəsinin (QKDK) mətbuat xidmətinin rəhbəri Çingiz Hüseynov söyləyib.
O bildirib ki, QKDK-da 60-a yaxın elektron xidmətlərin göstərilməsi nəzərdə tutulub: «Mütəmadi olaraq bu istiqamətdə işlər aparılır. Elektron xidmətlərin sayı da get-gedə artırılacaq. Bunun üçün də müvafiq olaraq Rabitə və İnformasiya Texnologiyaları Nazirliyinə təkliflər verilib. Yəni hazırda bu istiqamətdə birgə işbirliyi gedir.
Yeri gəlmişkən, deyim ki, elektron xidmətlərə qiymətli kağızlar bazarında lisenziyanın verilməsi, insanların komitəyə elektron müraciətləri, hüquqi və fiziki şəxslərə göstərilən xidmətlərin elektronlaşdırılması kimi məsələlər qarşımıza qoyulub və bu istiqamətdə də bir sıra addımlar atılıb. Onlardan artıq bəziləri formalaşdırılıb».
SEYMUR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
