Daxili işlər orqanlarında elektron xidmətlərin təşkili sürətləndiriləcək
Daxili İşlər Nazirliyində "2008-2011-ci illərdə Azərbaycan Respublikası Daxili İşlər Nazirliyinin beynəlxalq əməkdaşlığının İnkişaf Konsepsiyasının həyata keçirilməsinə dair Proqram"ın icrasının, "Mülkiyyət əleyhinə törədilən cinayətlərin açılması istiqamətində fəaliyyətin təşkili və görülən işlər"in və "Narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizə"nin vəziyyətinə həsr olunmuş geniş kollegiya iclası keçirilib.
“İCTnews” elektron xəbər xidmətinin məlumatına görə, iclasda çıxış edən Daxili işlər naziri, general-polkovnik Ramil Usubov bir sıra məsələlərlə yanaşı, daxili işlər orqanlarında elektron xidmətlərin göstərilməsi işinin təşkilinə də toxunub.
Azərbaycan Respublikasının Prezidenti cənab İlham Əliyevin sədrliyi ilə Nazirlər Kabinetinin 2012-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasında möhtərəm ölkə başçımızın bütün dövlət qurumlarının iki həftə ərzində elektron xidmətə tam keçirilməsi barədə göstəriş verdiyini xatırladan nazir korrupsiyaya qarşı mübarizədə çox böyük amil olan bu xidmətin DİN-in aidiyyəti qurumlarında da tam şəkildə göstərilməsinin zəruriliyini nəzərə çatdırıb.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
