I ixtisas qrupu üzrə imtahan sualların cavabları TQDK-nın internet saytında
Tələbə Qəbulu üzrə Dövlət Komissiyası (TQDK) iyulun 10-da 2011/2012-ci tədris ili üçün Azərbaycan Respublikasının ali məktəblərinə və tam orta təhsil bazasında (11 illik) orta ixtisas təhsili müəssisələrinə I ixtisas qrupu üzrə qəbul imtahanı keçirib.
İmtahan Bakıda 41, Naxçıvanda 2, Gəncədə 6, Sumqayıtda 7 binada aparılıb.
Hazırda komissiyada imtahan protokollarının və cavab kartlarının emalı aparılır.
İlkin statistik məlumatlara əsasən, bu il I ixtisas qrupu üzrə ərizə vermiş 33 min 587 abituriyentdən 937-si imtahana gəlməyib. Abituriyentlərdən 60 nəfəri imtahan qaydalarına zidd hərəkətlərə yol verdiyinə görə imtahandan xaric olunub. Onlardan 1-i başqasının əvəzinə imtahan verməyə, 2-si imtahana mobil telefonla keçməyə, digərləri isə sual və ya cavab kartlarını bir-birinə ötürməyə, köçürməyə cəhd göstərdiklərinə görə imtahandan xaric edilib. İmtahandan dərhal sonra müstəqil ekspertlər tərəfindən I ixtisas qrupu üzrə test suallarının ekspertizası aparılıb.
İmtahanda istifadə olunmuş sualların bütün variantlar və bölmələr üzrə düzgün cavabları, eləcə də balların hesablanması proqramı artıq TQDK-nın internet saytında yerləşdirilib.
Cavab kartlarının emalı başa çatdıqdan sonra nəticələr TQDK-nın internet saytında yerləşdiriləcəkdir. Abituriyentlər imtahan nəticələri barədə məlumatı, həmçinin iş nömrələrini 7727 nömrəsinə göndərməklə mobil telefonla “İmtahancell” xidməti vasitəsilə öyrənə biləcəklər.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
