Azərbaycan Hindistanla informasiya texnologiyaları sahəsində əməkdaşlığa maraqlıdır
Azərbaycan Xarici işlər naziri Elmar Məmmədyarov Hindistana səfəri çərçivəsində Hindistanın xarici işlər naziri Salman Xurşid ilə görüşüb.
Xarici İşlər Nazirliyindən "ICTnews" xəbər xidmətinə verilən məlumata əsasən, görüş çərçivəsində Salman Xurşid bildirib ki, dinamik iqtisadi inkişafa nail olaraq, beynəlxalq arenada nüfuzunu artıran Azərbaycan Asiya üçün də əhəmiyyətli dövlətdir. O, Azərbaycanı Asiyanın Qərbə açılan qapısı kimi gördüklərini vurğulayıb.
Öz növbəsində E. Məmmədyarov Azərbaycanın Hindistanla ticarət, enerji, informasiya texnologiyaları və hava nəqliyyatı sahələrində əməkdaşlıqda maraqlı olduğunu bildirib. İkitərəfli müqavilə-hüquq bazasını genişləndirməyə ehtiyac olduğunu bildirən nazir, bunun ikitərəfli əməkdaşlığa töhfə verəcəyini qeyd edib.
Ermənistan-Azərbaycan münaqişəsinin həlli üzrə danışıqlar prosesi barədə qarşı tərəfə məlumat verən Elmar Məmmədyarov, Ermənistanın öz işğalçı siyasətini davam etdirdiyini, BMT Təhlükəsizlik Şurasının müvafiq qətnamələrinin tələblərinə əməl etmədiyini və işğal etdiyi Azərbaycan torpaqlarından qoşunlarını çıxarmadığını vurğulayıb.
Görüşdə, həmçinin, beynəlxalq gündəlikdə duran məsələlər barəsində fikir mübadiləsi aparılmış və beynəlxalq təşkilatlar çərçivəsində əməkdaşlıq məsələləri müzakirə edilib.
Sonda Azərbaycan və Hindistan Xarici İşlər nazirlikləri arasında əməkdaşlıq haqqında protokol imzalanıb.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
