Ən nazik oyun noutbuku yaradılıb
Amerikanın "Razer" ticarət markası 16,8 millimetr qalınlığında oyun noutbuku təqdim edib. Şirkətin iddiasına əsasən, sözügedən cihaz hazırda bazarda ən nazik modeldir. Noutbukun qiyməti 1800 dollardır.
"ICTnews.az" elektron xəbər xidməti "cnews.ru" saytına istinadən bildirir ki, "Razer Blade" noutbuku dördüncü nəsil "Intel Core" prosessoru, 2 QB yaddaşa malik ən yeni "Nvidia GeForce GTX 765M" qrafik kontrolleri və "SSD" yığıcı ilə təchiz edilib. Xatırladaq ki, "SSD" yığıcı fırlanma tezliyi 5400 dövr/dəq təşkil edən sərt disklə müqayisədə yüklənmə müddətini 4 dəfə azaldır. "Razer Blade" noutbukunda ekranın diaqonalı 14 düym, təsvir ölçüsü 1600 x 900 pikseldir.
Daxili "Dolby Home Theatre v4" audiosistemi var. Sözügedən cihaz üç ədəd "USB 3.0" portu, "HDMI 1.4a", qulaqlıq və mikrofonun qoşulması üçün konnektorlar, "Wi-Fi" və "Bluetooth 4.0" modulları ilə təchiz edilib. "Razer Blade" noutbukunun içliyi 16,8 mm qalınlığında alüminium korpusa yerləşdirilib.
Korpusun uzunluğu 345 mm, eni 235 mm-dir. Çəkisi 1,9 kq-dır. "Razer Blade" noutbuku standart konfiqurasiyada 8 QB əməli yaddaş (1600 MHs) və 128 QB həcmində "SSD" yığıcı ilə təchiz edilib.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
