“Jurnalistlər üçün mobil texnologiyalar” mövzusunda təlim keçirilib
Rabitə və İnformasiya Texnologiyaları Nazirliyinin dəstəyi ilə həyata keçirilən "Onlayn Medianın inkişafına dəstək" layihəsi çərçivəsində Jurnalistlərin professional hazırlığına kömək məqsədilə təlimlərə start verilib.
Seminarlarda jurnalist-tələbələr və müxtəlif KİV-də çalışan qələm sahibləri iştirak edir.
AMEA İnformasiya Texnologiyaları İnstitutunun Təlim Mərkəzində təşkil olunan bu təlimlər qabaqcadan jurnalistlərin arzusu nəzərə alınmaqla hazırlanan xüsusi proqram əsasında keçirilir.
Təlimlərin birinci günü yeni media mütəxəssisləri və ekspertlər Şaiq Muradov və Seymur Kazımov "Sosial mediadan effektiv istifadə. Sosial mediada PR" mövzularında jurnalistlər qarşısında təqdimatlar ediblər.
Sonrakı gün ekspertlər Rəşad Əliyev və Ayaz Quliyev "Jurnalistlər üçün mobil texnologiyalar. Mobil internet. Mobil xidmətlər, nömrə daşınması, mobil etiket və Mobil reklam" mövzularında təlim keçiblər.
Yeni media mütəxəssisi Azər Nəzərov növbəti Təlimdə "Multimedia Jurnalistika, səsli və görüntülü xəbərlər, videoservislər, video və fotoredaktədə etika problemləri" mövzularında jurnalistlər qarşısında çıxış edib.
Ekspertlərin təqdimatları jurnalistlər tərəfindən xeyli maraqla qarşılanıb.
Jurnalistləri maraqlandıran suallar cavablandırılıb. Layihə çərçivəsində keçirilməsi nəzərdə tutulan növbəti təlimlərdə jurnalistlər üçün "Elektron hökumət" və əsas anlayışlar, korrupsiyanın qarşısının alınmasında "elektron hökumət"in rolu, İnformasiya açıqlığı, onlayn şəffaflıq, sosial media və "elektron hökumət", "İnformasiya əldə edilməsi haqqında" qanunun xüsusiyyətləri, E-hökumətdə informasiya təhlükəsizliyi, konfidensiallıq, kibercinayətkarlıq" və s. mövzularda məşğələlər təşkil olunacaq.
Adı çəkilən layihə çərçivəsində keçirilən təlimlərin həftəsonu başa çatacağı nəzərdə tutulub.
Artıq məlumat verildiyi kimi, "Onlayn Medianın inkişafına dəstək" layihəsi çərçivəsində eyni zamanda "Onlayn Media" müsabiqəsi və "Twitter" mikrobloqunda "Ən yaxşı xalq jurnalisti" nominasiyası üzrə yarışma da keçirilir. Hazırda müsabiqə qaydalarına uyğun olaraq materialların təqdim olunması davam edir.
"İKT ili"-də həyata keçirilən layihənin əsas məqsədi ölkədə İnformasiya Cəmiyyəti quruculuğuna, "elektron hökumət"in formalaşmasına dəstək vermək, İnformasiya Cəmiyyəti ideyasını, İT-dən cəmiyyətin bütün sahələrində istifadə edilməsinin üstünlüklərini geniş kütlələrə çatdırmaqdan ibarətdir.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
