Titan korpusla təchiz edilmiş smartfonlar təqdim edilib
Bahalı telefon istehsalı üzrə ixtisaslaşmış “Gresso” şirkəti titan korpusla təchiz edilmiş və “Android” platforması ilə işləyən “Radical” smartfon seriyasını təqdim edib. “Radical R1” modelinin korpusu aerokosmik sənayesində tətbiq edilən yüksək davamlı titandan işlənib hazırlanıb.
“ICTnews” elektron xəbər xidməti “hitech.vesti.ru” saytına istinadən bildirir ki, adı çəkilən smartfonlar əllə yığılır. 999 ədəd “R1” smartfonu buraxılıb və onların qiyməti 1800 dollardır. Aparat əsillik sertifikatı ilə qara dərili qutuda tədarük olunur.
Qiymətinə baxmayaraq “R1”smartfonunun içliyini bahalı adlandırmaq olmaz. Smartfon 960x540 nöqtə təsvir ölçülü 4,5 düymlük ekran, 1.2 QHs takt tezlikli dördnüvəli prosessor, 8 meqapiksellik kamera ilə təchiz edilib və ona “Android 4.1.2” versiyası quraşdırılıb. Daxili yaddaşın həcmi 36 qiqabaytdır. Cihaz iki SİM kart dəstəkləyir. Smartfonun çəkisi 219 qramdır.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
