“Samsung Galaxy S5” yeni ekranla təchiz olunacaq
Bu yaxınlarda İT sahəsində “Samsung Galaxy S5” yeni aparıcı smartfon haqda məlumat yayılıb.
“ICTnews” xəbər xidmətinin “www.cybersecurity.ru” saytına istinadən verdiyi məlumata əsasən, qeyri-rəsmi məlumatlara görə, qurğu fevralın sonunda “Mobile World Congress 2014” sərgisi çərçivəsində anons ediləcək, qurğuların satışları isə bu ilin aprel və ya may aylarında başlayacaq.
Bu gün “Samsung”a ən yaxın internet-nəşr “SamMobile” əlavə məlumatlar dərc ediblər: “Samsung” orijinal “S5” ilə yanaşı, “S5 Mini” və “S5 Zoom” xüsusi versiyaları buraxmaq niyyətindədilər.
Öncə “SamMobile” artıq “Samsung” ilə bağlı bir neçə məlumat itkisini qeyd edib, demək olar ki, həmişə bu məlumatlar düzgün olub. Hazırda nəşr bildirir ki, o məlumatları şirkətdəki etibarlı mənbədən əldə edib.
Anonim mənbə bildirib ki, “S5” metal korpusa malik olacaq, halbuki mini-versiya platindən və daha qənaətli olacaq. Həmçinin bildirilir ki, “S5” yeni nəsil “AMOLED”-ekranla təchiz ediləcək, hansı ki, 2560х1440 piksel ölçüyə, 16 meqapiksel kameraya, “Samsung Exynos 6” prosessoruna və “Android 4.4 KitKat” əməliyyat sisteminə malik olacaq.
“Samsung”dan olan mənbələr deyirlər ki, “S5” bütün göstəricilərə görə “iPhone 5S”-dən üstün olacaq, lakin tənqidi desək, “S5”-də inqilabi yenilik olmayacaq, burada yalnız “S4”-də tətbiq edilmiş texnologiyaların keyfiyyətli inkişafı olacaq.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
