“Toshiba” 4K formatlı noutbuk istehsal edəcək
Aprelin 22-də ABŞ-da “Toshiba” şirkətinin 3840x2160 piksel təsvir ölçülü 15,6 düymlük ekranla təchiz edilmiş yeni noutbuku satışa çıxarılacaq. Qurğu fotoqraf, dizayner və videomontajçılar üçün nəzərdə tutulub.
“ICTnews” elektron xəbər xidməti “hitech.vesti.ru” saytına istinadən bildirir ki, “Satellite p55t” noutbukunun ekranı “IPS” texnologiyası üzrə hazırlanıb, displeyin hər bir düymünə 282 piksel düşür. Noutbuku satın aldqda “Adobe Lightroom” fotoredaktoru üçün ödənişsiz lisenziya təklif edilir. Qurğunun qiyməti 1500 dollardan başlayacaq.
Aparatın texniki içliyi güclüdür: “Haswell” arxitekturalı dördnüvəli “Intel” prosessoru, 16 QB əməli yaddaş var, 4 “USB 3.0” portu, 4K formatlı ekranları dəstəkləyən “HDMI” portu, “BlueRay” daxili diskoxuducusu var. Məlumatların saxlanılması üçün 1 TB tutumunda mexaniki sərt disk quraşdırılıb.
Peşəkar fotoqrafları cəlb etmək üçün hər bir ekran fabrikdə kalibrlənəcək və “Technicolor” standartı üzrə təsdiqlənəcək.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
