“Full HD” təsvir ölçülü səkkiznüvəli smartfon nümayiş etdirilib
“Huawei” şirkəti “Honor 6” smartfonunun rəsmi təqdimatını keçirib. Qabaqcıl smartfon “Full HD” təsvir ölçülü 5 düymlük ekran, səkkiznüvəli “Kirin 920” çipi, “Mali-T628” qrafikası ilə təchiz edilib.
“ICTnews" elektron xəbər xidməti “tech.onliner.by” saytına istinadən bildirir ki, smartfonun xüsusiyyətlərindən biri “LTE Cat6” (nəzəri cəhətdən 300 Mbit/s-dək) texnologiyasını dəstəkləməsidir. “Huawei Honor 6” smartfonunun əməli yaddaşının həcmi 3 QB, daxili yaddaşın həcmi 16 və ya 32 QB, “microSD” kartları üçün isə slot var. Aparat, həmçinin 13 meqapiksellik əsas və 5 meqapiksellik ön kameralarla təchiz edilib. Aparata “Android 4.4.2 KitKat” əməliyyat sistemi quraşdırılıb.
“Huawei Honor 6” smartfonunun ölçüləri 139,8 × 68,8 × 6,5 mm, çəkisi 135 qramdır. Hələ ki smartfonun qiyməti və çıxarılma tarixi haqda informasiya yoxdur.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
