Rabitə və Yüksək Texnologiyalar Nazirliyinin 5 elektron xidməti ən çox istifadə olunan e-xidmətlər sırasındadır
Rabitə və Yüksək Texnologiyalar Nazirliyinin (RYTN) Məlumat Hesablama Mərkəzi (MHM) sentyabr ayı ərzində “Elektron hökumət” portalı vasitəsi ilə ən çox istifadə olunan 20 elektron xidmətin siyahısını təqdim edib.
Bu siyahıda Əmək və Əhalinin Sosial Müdafiəsi Nazirliyinin, Dövlət Sosial Müdafiə Fondunun, Tələbə Qəbulu üzrə Dövlət Komissiyasının, Prezident yanında Dövlət Qulluğu Məsələləri üzrə Komissiyanın və “Elektron hökumət” portalının e-xidmətləri ilə yanaşı, Rabitə və Yüksək Texnologiyalar Nazirliyinin 5 elektron xidməti yer alıb.
Bu xidmətlərə “Telefon nömrəsi üzrə axtarış”, “Rabitə və kommunal xidmət haqlarının internet vasitəsi ilə ödənilməsi”, “Mobil cihazların IMEI kodunun yoxlanılması”, “E-imza” və “AzDataCom internet xidmətinə qoşulma üçün sifariş” xidmətləri daxildir.
Ötən ayda RYTN-in göstərdiyi elektron xidmətlər arasında ən çox – 73388 dəfə “Telefon nömrəsi üzrə axtarış” xidmətindən istifadə olunub.
“Rabitə və kommunal xidmət haqlarının internet vasitəsi ilə ödənilməsi” xidməti üzrə 19643, “Mobil cihazların IMEI kodunun yoxlanılması” xidməti üzrə isə 6391 istifadə sayı qeydə alınıb.
Bu müddət ərzində “Elektron hökumət” istifadəçiləri “E-imza” xidmətindən 2991 dəfə və “AzDataCom internet xidmətinə qoşulma üçün sifariş” xidmətindən isə 2051 dəfə yararlanıblar.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
