“Apple” şirkəti yığcam “iPad mini 3” təqdim edəcək
“Apple” şirkəti 7,9 düym diaqonallı ekranla təchiz edilmiş “iPad mini 3” yığcam planşetinin yeni versiyasını nümayiş etdirib. Bu haqda Kupertinoda keçirilmiş təqdimatda “Apple”ın marketinq üzrə direktoru Fil Şiller deyib.
"ICTnews" elektron xəbər xidməti “lenta.ru” saytına istinadən bildirir ki, “iPad mini 3” planşetinin qalınlığı (7.5 mm) və çəkisi (331 qram) əvvəlki kimi saxlanılıb. Prosessor (A7 çipi) da əvvəlkidir.
“Touch ID” daxili barmaq izləri datçiki və “Apple Pay” ödəmə sisteminin (hələ ki yalnız proqramlar daxilində satınalmalar üçün) dəstəklənməsi yeni planşetin əsas özəlliyidir.
“Yeni iPad mini” planşeti ilk dəfə qızılı rəngdə çıxarılacaq.
ABŞ-da “iPad mini” planşetinin “Wi-Fi” ilə modelinin qiyməti 399-529 dollar, mobil modulla təchiz edilmiş model isə 599-729 dollar təşkil edəcək. Çeşiddən 32 QB-lıq yaddaşla təchiz edilmiş model çıxarılıb; indi 16, 64 və 128 QB-lıq yaddaşa malik planşeti satın almaq olar.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
