İKT üzrə savadlılığın artırılmasına yönəldilmiş təlimlər keçirilib
“İbtidai siniflərdə dərs deyəcək müəllim heyəti üçün tədris prosesində interaktiv texnologiyalardan və elektron məzmundan istifadə” və “Təhsil sisteminin inzibati-idarəetmə heyətləri üçün İKT üzrə savadlılığın artırılmasına yönəldilmiş treninq xidmətləri” mövzusunda təlimlər keçirilib.
Təhsil Nazirliyi və İnnovativ Texnologiyalar Təşkilatı arasında imzalanmış müqaviləyə əsasən keçirilən təlimlərdə Bakı şəhərində yerləşən məktəblərin ibtidai sinif müəllimləri və inzibati heyəti iştirak edib. Nazirlikdən bildirilib ki, ilkin olaraq ibtidai sinif müəllimləri və inzibati heyət diaqnostik qiymətləndirmədən keçiblər.
Diaqnostik qiymətləndirmədə az bal toplamış müəllimlər və inzibati heyət təlimlərə cəlb olunub.
Təlimlərin birinci mərhələsində 742 müəllim və inzibati işçi iştirak edib və onlardan 584 nəfəri imtahandan keçərək sertifikata layiq görülüb.
Yekun imtahanda yüksək bal toplamış iştirakçılara, eyni zamanda diaqnostik qiymətləndirmədə yüksək bal toplamış müəllim və inzibati işçilərə Təhsil Nazirliyi tərəfindən kompüter və prometan lövhələrin verilməsi nəzərdə tutulub.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
