2016-cı ilin 10 ən mühüm texnologiyası bəlli olub
«Gartner» tədqiqat şirkətinin analitikləri 2016-cı il üçün 10 strateji texnologiya trendinin adını dərc ediblər. Tədqiqatçılar strateji texnologiya trendi dedikdə təşkilatlara böyük təsir göstərəcək tendensiyaları nəzərdə tuturlar.
Qurğular şəbəkəsi
Qurğular şəbəkəsi insanların proqram və informasiyaya giriş əldə etməsinə və ya bir-biri ilə qarşılıqlı əlaqə yaratmasına imkan verən çoxlu qurğu-terminallardır. Smartfonlar, daşınan cihazlar, istehlak və məişət elektron qurğuları, nəqliyyat vasitələri və hər cür sensorlar belə qurğulara nümunə kimi göstərilə bilər.
Vahid qarşılıqlı fəaliyyət təcrübəsi
Qurğular şəbəkəsinin inkişafı vahid istifadəçi qarşılıqlı fəaliyyət təcrübəsinə riayət edilməsi zərurəti ilə nəticələnəcək. Analitiklərin proqnozuna görə, 2018-ci ilədək vahid qarşılıqlı fəaliyyət təcrübəsi yaratmaq qabiliyyəti müstəqil proqram təminatı tədarükçülərinin mühüm fərqləndirici amili olacaq.
“3D” çap üçün materiallar
“3D” çap texnologiyalarının inkişafı bu məqsəd üçün yarayan materialların sayının artımı ilə nəticələnib. İndi “3D” çap texnologiyasında nikel ərintiləri, karbon lifi, şüşə, elektrik keçirən mürəkkəb, əczaçılıq və bioloji materiallardan istifadə olunur. Materialların müxtəlifliyi artmağa davam edəcək və “3D” printerlər aerokosmik sənaye, tibb, avtomobil istehsalı, energetika və hərbi sənaye kompleksi kimi sahələrdə tətbiq ediləcək. Materialların müxtəlifliyinin artımı nəticəsində 2019-сu ildə müəssisələr üçün “3D” printerlərin tədarük həcminin orta illik artım sürəti 64,1 faiz təşkil edəcək.
Yeni məlumat mənbələri
İndi hesablama sistemləri mətn, audio və videoməlumatları emal edir. Yeni məlumat tiplərinin yaranması (məsələn, sensor informasiya) mənbələrin birləşməsi üzrə yeni metodlar axtarmağı tələb edəcək. İnformasiya blokları çox vaxt bir-birindən təcrid düşür, bütöv deyillər və əlçatmazdırlar. Semantik təhlil və qrafik məlumat bazalarının qurulması metodlarında yeni kəşflər informasiya kainatının nizamsızlığını tənzimləməyə kömək edəcək.
Təkmilləşdirilmiş kompüter təlimi
Dərin neyron kompüter şəbəkələri klassik hesablama sistemləri hüdudundan kənara çıxaraq ətraf dünyanı müstəqil və avtonom anlayan və qəbul edən sistemin yaradılmasında istifadə ediləcək. Məlumat mənbələrinin artımı və informasiyanın mürəkkəbləşməsi əllə təsnifat və təhlili lazımsız və qeyri-real edəcək. Neytron şəbəkələri sayəsində bu məsələləri avtomatlaşdırmaq mümkün olacaq.
Avtonom agentlər
Kompüter təlimi avtonom və ya yarı avtonom işləyən «ağıllı» qurğuların (robot, avtonom nəqliyyat vasitələri, virtual şəxsi agentlər və «ağıllı» məsləhətçilər) populyarlığının artımına səbəb olacaq. «Google Now», «Microsoft Cortana» və «Apple Siri» kimi funksiyaları belə kompüterlərin sələfləri hesab etmək olar.
Adaptiv təhlükəsizlik arxitekturaları
Rəqəmli biznesin qarışıqlığı təşkilatlarda informasiyanın mühafizəsi məsələsini xeyli dərəcədə çətinləşdirir. Təhlükəsizlik perimetrlərinin yaradılması və təhlükəsizlik siyasətindən istifadə artıq müasir tələblərə cavab vermir. Direktorlar təhdidləri aşkar etməyə və hücumların qarşısını almağa davam etməlidirlər, amma eyni zamanda onlar daha mürəkkəb metodlara müraciət etməlidirlər.
Təkmilləşdirilmiş sistem arxitekturası
Qurğular şəbəkəsi və «ağıllı» maşınlar xeyli hesablama resursları tələb edəcək, buna görə də proqramlaşdırılan ventil matrisləri (FPGA) və qrafik sürətləndiricilərə əsaslanan yüksək səmərəli neyromorf arxitekturaları geniş yayılacaq.
Şəbəkə proqramları və xidmətlər arxitekturası
Analitiklərin fikrincə, şirkətlər daha elastik proqram və xidmətlər arxitekturasından istifadəyə başlayacaq. Proqramla konfiqurasiya edilən xidmətlərə əsaslanan bu yeni yanaşma veb miqyasın məhsuldarlıq, elastiklik və sürətini təmin edəcək.
“Əşyalar interneti” üçün platformalar
Gözləntilərə görə, 2016-cı il “Əşyalar interneti” konsepsiyası üçün platformaların hazırlanması ili olacaq. Ancaq şirkətlərin qeyri-mütəşəkkilliyi səbəbindən belə platformaların standartlaşdırılması prosesi 2018-ci ilə kimi çəkəcək.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
