Regionlarda qarın rabitə sahəsində yaratdığı fəsadlar aradan qaldırılır
Quba rayonunda qar rabitə sahəsində bir sıra problemlər yaradıb. Rayonun Aşağı Atuc, Timirzayev, İqrik, Xucbala, Zərdabi, Zərqova, Çiçi kəndlərində 30-dan yuxarı rabitə dirəyi aşıb, 100-dən yuxarı abunəçinin telefon xətləri sıradan çıxıb.
Quba Telekommunikasiya Qovşağının rəisi Kamran Əhmədovun verdiyi məlumata görə, hazırda rabitə qəza dəstələri ərazidədir. Təbii fəlakətin vurduğu ziyanın nəticələri qismən aradan qaldırılıb.
Bununla belə, Elektron Avtomat Telefon Stansiyaları (EATS) dizel generatorları və akkumulyatorlarla təchiz edildiyindən kəndlərdə elektrik enerjisində baş verən fasilə rabitənin işinə problem yaratmayıb.
Lerik rayonuna da yağan qarın rabitə sahəsinə vurduğu ziyanın nəticələri aradan qaldırılır. Osyodərə, Xanagah, Şivlə, Bülüdül, Tikəban və Çayrud kəndlərində qismən problemlər qeydə alınıb. Osyodərə kəndində rabitə dirəklərinin aşması nəticəsində meydana çıxan problemləri rayon Rabitə qovşağının briqadası aradan qaldırır.
Lerik Telekommunikasiya Qovşağının rəisi Vəliyulla Alışov eyni zamanda, Lerik-Lənkəran optik rabitə xəttinin nəzarət altında olduğunu bildirib.
Rəvan Soltanov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
