“Android” mobil əməliyyat sisteminin yeni versiyasının təqdimetmə tarixi bəlli olub
“Android O” (8.0) mobil əməliyyat sistemi avqustun 21-də ictimaiyyətə təqdim ediləcək. Bu haqda şirkətin rəsmi saytına istinadən “Rambler News Service” xəbərlər portalı yazıb.
"21 avqust tarixində 1918-ci ildən etibarən ilk dəfə ABŞ-ın ərazisində günəş tutulması qeydə alınacaq. “Android” platforması sizə tarixi əhəmiyyətli təbiət hadisəsini hiss etməyə kömək edir ki, siz günəş tutulması haqda daha çox məlumatlı olasınız" – agentlik şirkətin xəbərini paylaşıb.
“ICTnews” Elektron Xəbər Xidməti lenta.ru saytına istinadən yazır ki, həmçinin məlumatda deyilir ki, 21 avqust tarixində Bakı vaxtı ilə saat 22:40-da təqdimatın videoyayımı başlanacaq.
“Google” şirkəti cari ilin mayında “Google I/O” konfransında “Android 8.0” versiyasını təqdim edib. Sistemdə fon rejimində işləyən proqramlar üçün yeni məhdudiyyətlər tətbiq edilib ki, bu da qurğunun işini yaxşılaşdırmağa kömək edir. Həmçinin sistemin dizaynı təkmilləşdirilib. Hazırda yeni versiya beta test mərhələsindədir.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
