“Facebook” istifadəçiləri “3D” postları dərc edə biləcək
“Facebook” sosial şəbəkəsi indi “glTF 2.0” formatını dəstəkləyir ki, bu, sözügedən şəbəkənin istifadəçilərinə öz xəbər lentlərində “3D” obyektləri dərc etməyə imkan verəcək.
"Yaxın vaxtlarda insanlara rəqəmli obyekti hər bir tərəfdən görməyə və “Facebook”un xəbər xəttində onunla qarşılıqlı əlaqədə olmağa imkan verəcək “3D” postları tətbiq etmişik. Belə postlar toxunuşa dərhal reaksiya verir və məzmunun ekrandan kənara çıxmasına imkan verir” – şirkətin rəsmi saytında bu barədə bildirilib.
“ICTnews” Elektron Xəbər Xidməti “ria.ru” saytına istinadən yazır ki, istifadəçilər təsviri “maus”un sol düyməsi və ya barmaqla tutub saxlayaraq onu fırlada bilərlər. “3D” postları teksturaların görünüşünü, işıqlandırma sazlamalarını və obyektin renderini dəstəkləyir.
“Facebook” “3D” obyektlərin tətbiqi üçün, həmçinin başqa şirkətlərlə əməkdaşlıq edir. Məsələn, indi istifadəçilər “Xperia XZ1” telefonunda “Sony” şirkətinin "3D Creator" proqramı vasitəsilə düzəldilmiş "3D xatirələri”ni paylaşa bilər.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
