Bu platforma mobil əməliyyat sistemləri bazarında liderliyini qoruyub saxlayacaq
"Android" platforması smartfonlar üçün ən populyar əməliyyat sistemi olaraq qalır. Yaxın illərdə "Google"un platforması liderliyini qoruyub saxlayacaq və bazar payı təxminən 85% təşkil edəcək. Bu haqda "International Data Corporation" (IDC) analitik şirkətinin araşdırmasında deyilir.
"ICTnews" Elektron Xəbər Xidməti "dailycomm.ru" saytına istinadən yazır ki, ekspertlərin proqnozuna görə, 2018-ci ildə 1,24 milyard "Android" smartfonu çıxarılacaq ki, bu da ötən illə müqayisədə 0,5% azdır. "Android" sistemli qurğuların bazar payı 84,8% təşkil edib, halbuki "iOS" əməliyyat sistemi ilə işləyən "ağıllı" telefonların payı təxminən 15,1%-ə bərabərdir. Gözləntilərə görə, cari ildə "Apple" şirkəti 221,4 milyon telefon tədarük edəcək ki, bu da ötən illə müqayisədə 2.6% çoxdur. Digər platformaların payı yalnız 0,1% təşkil edəcək.
Hesabatda deyilir ki, 2018-2022-ci illərdə "Android" smartfonlarının satış həcmi 2,5% yüksələrək bu müddətin sonuna yaxın 1,4 milyardı ötəcək.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
