Astara telestansiyasında rəqəmli yayım avadanlığı qurulur
“Teleradio”İB ölkənin cənub bölgəsində keyfiyyətli rəqəmli yayımın təmin edilməsi məqsədilə Astarada yayım avadanlıqları qurur. Bu barədə “İCTnews”-a “Teleradio” İB-nin texniki direktoru Mikayıl Abbasov bildirib.
Onun sözlərinə görə, bundan əvvəl bölgədə Lerik telestansiyasından yayım təmin olunub. “Astara stansiyasından yayımın təmin edilməsi cənub bölgəsinin tamamilə rəqəmli yayımla əhatə olunması deməkdir”- deyə M.Abbasov bildirib.
Texniki direktor ilin sonunadək bütün Azərbaycan ərazisinin rəqəmli televiziyanın əhatə dairəsinə qatılacağını qeyd edərək hazırda yayımın Bakı və Abşeron yarımadası ilə yanaşı, Gəncə, Şirvan, Lerik, Ağsu stansiyaları vasitəsilə adıçəkilən şəhər və rayonlarla yanaşı, ətraf rayonları da əhatə etdiyini xatırladıb.
Qeyd edək ki, ölkədə analoq efir yayımından rəqəmsal yayıma keçid 2009-cu ildən, Bakıda isə bu istiqamətdə sınaq işlərinə 2004-cü ildən başlanılıb.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
