“Microsoft” şirkəti “Android” platforması üçün ofis alətlərinin bütün paketini özündə birləşdirən yeni “Office” proqramının beta sınaqlarına başlayıb.
“ICTnews” Elektron Xəbər Xidməti “digger.ru” saytına istinadən yazır ki, “Microsoft Office: Word, Excel, PowerPoint” adlı mobil tətbiq ofis sənədləri, cədvəllər və təqdimatlarla işi, həmçinin birgə redaktə və fayllara ümumi girişi dəstəkləyir.
Yeni mobil tətbiqin özəlliklərindən biri şəkillərdən PDF fayllar hazırlamaq və ya “Word”, “Excel” və “PowerPoint” fayllarını PDF formatına çevirmək imkanıdır. Bu faylları elektron imza ilə imzalayıb göndərmək olar.
Emil Hüseynov