“Facebook” şirkəti “Giphy” xidmətini satın alır
“Facebook” sosial şəbəkəsi “GIF” faylların yaradılması və mübadiləsi üçün populyar “Giphy” xidmətini satın alıb. İndi sözügedən xidmətin "GIF" kitabxanasının “Facebook” şirkətinə məxsus “Instagram” və başqa proqramlara inteqrasiyası gözlənilir.
“ICTnews” Elektron Xəbər Xidməti “vesti.ru” saytına istinadən yazır ki, satınalma haqqında şirkətin saytında məlumat verilib. Razılaşmanın maliyyə şərtləri açıqlanmır. “Axios” nəşrinin məlumatına görə, “Facebook” şirkəti “Giphy” xidmətini 400 milyon dollara satın alıb.
“Facebook”dan bildirilib ki, “Giphy” xidmətinin bütün trafikinin 50%-i məhz onların xidmətlərinin payına düşür. Lakin bir çox başqa sayt və proqramlar da (məsələn, “Twitter”, “Pinterest”, “Slack” və “Reddit”) “API Giphy”dən istifadə edirlər.
Razılaşmanın imzalanmasından sonra “Giphy” xidmətinin əməkdaşları “Instagram” komandasının tərkibinə daxil ediləcək. Onların vəzifələrindən biri animasiyalı şəkillərin tarixçə və şəxsi mesajlarda dərc edilməsi üsulunun sadələşdirilməsi olacaq.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
