“Microsoft” şirkəti “Windows 10” əməliyyat sistemində reklam tətbiqinə hazırlaşır. Proqram nəhəngi hələ ki yalnız öz məhsullarını tanıtmaq niyyətindədir.
“ICTnews” Elektron Xəbər Xidməti “ria.ru” saytına istinadən yazır ki, məsələn, "Tənzimləmələr" proqram pəncərəsinin yuxarı hissəsində “Windows-dan daha çox məhsul əldə edin” adlı yeni banner yerləşdirilib. "Let's go" düyməsinə sıxıldıqda şirkətin xidmətlərini (məsələn, “Windows Hello”, “Your Phone” və ya “Office 365”) yoxlamaq təklifindən ibarət interfeys açılacaq. Banner aylıq yeniləmələr quraşdırıldıqda və ya sistemin yenidən yüklənməsindən sonra görsənəcək.
“Microsoft Edge” brauzeri ilə bağlı reklam göstəriləcək. "Tənzimləmələr" pəncərəsində “Edge” brauzerini və “Bing” axtarış sistemini əsas kimi etmək təklif ediləcək.
Emil Hüseynov