“İBM” korporasiyası növbəti 5 il ərzində 5 innovasiya texnologiyası və hazırlama ifadə edən "İBM 5”-in beşillik analitik hesabatını təqdim edib.
Hər şeydən əvvəl hesabat müəllifləri yenilənən enerji mənbələrinin hər yerdə istifadəsi haqqında məlumat verirlər. Mini-generatorlar hərəkət, velosiped sürmə və s. zamanı elektrik enerjisi istehsal etməyə imkan verəcək. “İBM” korporasiyasının fikrinə əsasən, insanı gündəlik həyatda əhatə edən bir çox qurğular enerji istehsal edəcək.
“İBM” korporasiyası hesab edir ki, 5 il ərzində artıq şifrələrə ehtiyac olmayacaq. İstifadəçilər biometrik göstəricilərinə görə - barmaq izlərinə, gözün torlu qişasına, səs və s-yə görə eyniləşdiriləcəklər. Müvafiq texnologiyalar hal-hazırda var, 2016-cı ilədək isə onlar daha geniş yayılacaqlar.
“İBM”, həmçinin beynin elektrik fəallığını daha dəqiq və etibarlı monitorinq edən qurğuların meydana gəlməsi haqqında xəbər verir.
Bunun sayəsində insanlar "fikrin gücü" ilə texnikanı idarə edə biləcəklər.“İBM” korporasiyasından hesab edirlər ki, 5 il sonra mobil aparatlar Yer kürəsinin 80% əhalisində və ya 5,6 milyard insanda olacaq.
Nəhayət, “İBM” korporasiyası daha "ağıllı" spam-filtrlərin və real zaman rejimində verilənlərin analizi texnologiyalarının inkişafını proqnozlaşdırır. Nəticədə istifadəçilər yalnız münasib və fərdiləşdirilmiş informasiya əldə edəcəklər, lazımsız reklam və “zibil” mesajları nadir hadisə olacaq.
