“Microsoft” şirkəti “Windows” əməliyyat sisteminin yeni versiyasını iyunun 24-də təqdim edəcək. Bu barədə şirkətin məlumatında deyilir.
“ICTnews” Elektron Xəbər Xidməti “Lenta” resursuna istinadən yazır ki, yeni proqram təminatına tərtibatçılar üçün yeni imkanlar və istifadəçilərin daha sadə işləməsi üsulları daxil olacaq.
Məlumata görə, yeni “Windows” versiyasının təqdimatında, həmçinin “Sun Valley” kod adlı istifadəçi interfeysində dəyişikliklər haqqında məlumat veriləcək.
Yeni proqram təminatı “Windows” insayderləri tərəfindən test edildikdən sonra geniş ictimaiyyətin ixtiyarına veriləcək.
Bir müddət əvvəl “Microsoft” korporasiyası “Internet Explorer” brauzerinin dəstəyindən imtina edərək “Edge” brauzerinə keçəcəyini bəyan edib. Yeniliyin 15 aprel 2022-ci ildə tətbiqi planlaşdırılır.
Nizam Nuriyev