“Samsung” şirkəti 1 ildən az bir müddətdə 20 milyon “Galaxy S II” “ağıllı” telefonu satıb
“İCTnews” elektron xəbər xidməti “onliner.by” resursuna istinadən xəbər verir ki, “MWC” sərgisinin açılışına 4 gün qalmış “Samsung” şirkəti növbəti nailiyyəti haqqında məlumat verib. Koreya korporasiyası 1 ildən az bir müddətdə 20 milyon “Galaxy S II” “ağıllı” telefonu satıb.
Məlumat üçün bildirim ki, “Samsung” şirkətinin flaqman aparatı 2011-ci ilin aprel ayında satışa çıxarılıb. Şirkət “Galaxy S II” “ağıllı” telefonunun 10 milyon nüsxəsini satmaq üçün cəmi 5 ay müddət sərf edib.
Beləliklə, bazarda xeyli müddət olmasına baxmayaraq, modelə tələbat təxminən eyni səviyyədə qalır.
Modelin texniki xüsusiyyətləri indiyə qədər aktualdır. Smartfon 800×480 piksel təsvir ölçülü 4,3 düymlü “Super AMOLED Plus” ekranı, 1.2 QHz takt tezlikli ikinüvəli “Samsung” çipi, 8 meqapiksel və 2 meqapikselli kamera, “NFC” şipi və jiroskopla təchiz olunub. Tezliklə modeli “Android 4.0” əməliyyat sisteminə kimi yeniləmək mümkün olacaq.
EMİL
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
