12px13px15px17px
Tarix:06/08/12

“TRS-80” stolüstü kompyuterinin 35 yaşı tamam oldu (VİDEO)

“TRS-80” stolüstü mikrokompyuterin birinci modelinin satışlarından artıq 35 il keçib.“ICTnews.az” elektron xəbər xidməti “compulenta.ru” saytına istinadən bildirir ki, “TRS-80” mikrokompyuteri “Tandy Corporation” şirkəti tərəfindən hazırlanmışdı.

600 dollarlıq dəstə 12 düymlü ağ-qara monitor və kaset maqnitofonu daxil idi. “TRS-80” istifadəçilər tərəfindən yaxşı qarşılanmışdı, “Apple II” və “Commodore PET” onun əsas rəqibləri  idilər.

“TRS-80”-in (Model I) orijinal versiyası 1,77 MHs takt tezliyində işləyən “Zilog Z80” prosessoru ilə təchiz edilmişdi. Əməli yaddaşın tutumu əvvəlcə 4 KB təşkil edirdi, sonra 16 KB-a qədər artırılmışdı.

Kompyuterdə sistem lövhə və klaviatura bir korpusda birləşdirilmişdi; qida bloku xarici idi. Məlumatların saxlanılması üçün standart monofonik kompakt kasetlər tətbiq edilirdi.
Cəmisi 250 min “TRS-80 Model I” dəsti satılıb.
 


 
EMİL




Baxış sayı: 451

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020