12px13px15px17px
Tarix:14/11/12

Böyük Britaniya BDU-nun Nanotexnologiyalar sahəsində nailiyyətləri ilə maraqlanır

Bakı Dövlət Universitetinin rektoru, akademik Abel Məhərrəmov  Böyük Britaniyanın Elm və İnnovasiya Şəbəkəsinin nümayəndələrini - şəbəkənin Almaniyadakı rəhbəri Kənan Poleonu və Şəbəkənin Türkiyədəki əməkdaşı Başak Candemiri qəbul edib.

"ICTnews" elektron xəbər xidmətinə bu barədə BDU-nun Mətbuat və informasiya şöbəsindən məlumat verilib. Universitetdən bildirilib ki, qonaqların Azərbaycana səfərlərinin məqsədi ölkənin aparıcı elm mərkəzləri ilə əməkdaşlıq qurmaq üçün görüşlərin keçirilməsidir.

Rektor BDU-nun beynəlxalq proqramlar və qrantları haqqında məlumat verərək, universitetdə elm və təhsilin inkişafı barədə də danışıb. Abel Məhərrəmov BDU-da nanotexnologiya sahəsində əldə olunan nailiyyətlər barədə  bəhs edib. O cümlədən, İSESKO-nun universitetə verdiyi böyük qiyməti vurğulayıb.

Kənan Poleo, öz növbəsində,  universitetlə, həmçinin nanotexnologiyalar sahəsində əldə olunan nailiyyətlərlə yaxından tanış olmaq arzusunu ifadə edib. Görüşdə iştirak edən Böyük Britaniya səfirliyinin müşaviri Adrian Li səfirliyin universitetlə əməkdaşlığın genişləndirilməsində maraqlı olduğunu bildirib. Daha sonra qonaqlar tədris və elmi-tədqiqat  laboratoriyalarında olublar.
 
HƏQİQƏT




Baxış sayı: 738

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020