12px13px15px17px
Tarix:10/01/13

“Baku Startup Competition 2012” qalibini müəyyənləşdirib

 Azərbaycanda ilk dəfə baş tutmuş startap müsabiqəsinin finalı keçirilib. Azərbaycanın vençur bazarında mühüm hadisəyə çevrilmiş "Baku Startup Competition 2012" müsabiqəsi çərçivəsində yekun tədbir – üç finalçı layihənin təqdimatı və qalibin mükafatlandırılması baş tutub.

Xatırladaq ki, startap müsabiqəsini reallaşdıran "Infipro Inc." şirkəti Azərbaycanda innovasiya layihələrinə uzunmüddətli və yüksəkriskli investisiyalar və vençur maliyyələşdirməsi ilə məşğul olan yeganə biznes quruluşudur.

Şirkət tərəfindən həyata keçirilən sözügedən müsabiqə öz əsas məqsədinə artıq nail olub. Belə ki, hələ də körpəlik dövrünü yaşayan Azərbaycan internet biznesinin inkişafına təkan verilmiş, yenilikçi sahibkarlar isə ideyalarının ticari cəhətdən reallaşmasına kömək üçün aidiyyəti üzrə müraciət etmə imkanını əldə ediblər.

Müasir biznesin bir hissəsinə çevrilən startap şirkətlərinin Azərbaycanda meydana gəlməsi, sadəcə, bir zaman məsələsi olub. Bu səbəbdən müxtəlif ideyaların reallaşması və ya yeni başlanmış biznesin inkişafı üçün imkan və şəraitin olmadığına dair gileylərin aktuallıq itirdiyini söyləmək mümkündür. Müsabiqənin şərtlərinə gəldikdə, iştirakçılardan fəaliyyətin əsas istiqamətlərini qeyd etməklə ideyalarının inandırıcı və sadə şəkildə təqdimatı, xidmət və ya məhsulun müfəssəl təsviri, nəzərdə tutulmuş xərclərin strukturunun göstərilməsi və ən əsası – innovasiya layihəsinin malik olduğu ticarət potensialının sübut edilməsi tələb olunurdu. Nəzərə alınmalıdır ki, gələcək birgə startap-şirkətinin fəaliyyətindən əldə ediləcək mənfəət və artım perspektivləri bir biznes quruluşu olan "Infipro Inc." şirkəti üçün əhəmiyyət təşkil edir.

"Baku Startup Competition 2012" müsabiqəsinin son hissəsini "Infipro Inc." şirkətinin icraçı direktoru Eldar Abbasov açıb. O, öz nitqində innovasiya layihələrinə münasibətin son zamanlar dəyişdiyini, informasiya-kommunikasiya texnologiyaları sahəsinin isə Azərbaycanın biznes həyatında prioritet istiqamətlərdən birinə çevrildiyini qeyd edib.

Münsiflər heyətinin üzvləri – "SİNAM" şirkətinin prezidenti Elçin Əliyev və "Caspian Capital" biznes inkubatorunun rəhbəri Rasim Əliyev, həmçinin müsabiqənin rəsmi tərəfdaşı olan "Microsoft" şirkətinin regional nümayəndəliyinin təmsilçisi Rüfət Hacıəlibəyov də çıxış edənlərin arasında olublar. Giriş hissəsindən sonra münsiflər heyəti və tədbirin "Four Seasons" otelinin "Rast" zalında toplaşan təxminən 100 nəfər qonaqları qarşısında şəxsən öz layihələrini təqdim etməli olan finalçılara söz verilib.

İnternet ticarəti kateqoriyasında "Brandbook" layihəsi müəllifləri Fəqan MehdiElnur İbrahim-zadə tərəfindən təqdim olunmuşdur. Onların ideyası Türkiyənin "Markafoni" və ya Rusiyanın "KupiVİP.ru" tipli "Private Shopping Club" sahəsində internet portalının yaradılmasından ibarət olub.

"RA Electronics" layihəsini (kateqoriya: "sosial, ekologiya") Teymur Kuseba təqdim etmişdir. Yenilikçi gəncin iddialı ixtirası "green technology" vasitələri əsasında portativ multi-doldurucu qurğunun yaradılması ilə bağlıdır. Müəllif qurğunun işləyən konseptini nümayiş etmiş və münsiflər heyətinə cihazı yoxlamaq təklif edib.

Öz növbəsində, "NEWO" layihəsi (kateqoriya: "proqram təminatı") müxtəlif virtual elementlərin əlavəsi ilə tamamlanan reallığa əsaslanmış "Augmented Reality" (artırılmış reallıq) texnologiyasını tədqiq edir. Rəhman Məmmədovun başçılığı ilə layihənin yaradıcıları ideyalarını təqdim və müdafiə edərkən əsl komanda ruhunu nümayiş etdirmişlər. Son illər ərzində aktiv şəkildə inkişaf edən sözügedən texnologiyanın istifadəsi əsasən reklam biznesinə və həmçinin turizm obyektlərinin istismarına yönəlib.

İdeyaların təqdim edilməsindən sonra adları yuxarıda qeyd olunmuş Elçin Əliyev və Rasim Əliyevdən başqa Fərid İsmayılzadənin ("GoldenPay"), Çingiz Eyvazovun ("Vital") və Ağateyyub Cəfərovun ("Seabak") da daxil olduğu münsiflər heyəti aparılmış müzakirələr nəticəsində qərarını elan eвши.

"NEWO" layihəsi Azərbaycanda keçirilmiş ilk startap müsabiqəsinin qalibi olaraq seçilши. Müsabiqənin şərtlərinə görə qalib üçün nəzərdə tutulan investisiya paketi layihənin spesifikası və təmayülündən asılı olaraq 10 000-dən 100 000 ABŞ dolları məbləğini təşkil edir.

"NEWO" layihəsi ilə bağlı investisiyaların son həcmi dəqiqləşdirildikdən sonra maliyyələşdirmə layihə müəlliflərinin biznes-planına əsasən mərhələli şəkildə aparılacaqdır. Buna müvafiq olaraq, hazır olan və sınaqdan keçmiş məhsulun buraxılışı yarım ildən sonra nəzərdə tutulub.

Bununla belə, müsabiqə qalibinin müəyyən edilməsilə "Baku Startap Competition" heç də sona çatmır.

"NEWO" layihəsinin müəllifləri onun taleyi, reallaşma mərhələləri, nailiyyət və çətinlikləri haqda "http://infipro.az" saytında da əksini tapacaq xüsusi bloqda söz açacaqlar. Həmçinin, qeyd etmək lazımdır ki, "Infipro Inc." şirkətinin rəhbərliyi 2013-cü ildə yeni müsabiqənin elan olunacağını bəyan edib.

Beləliklə, Azərbaycanda vençur bazarına olan dəstək güclənəcək, startap layihələrinin sayı isə artacaqdır.



Baxış sayı: 714

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






04 İyul 2020

04/07/20
“EvilQuest” virusu “macOS” sistemində faylları şifrləyir

“Malwarebytes” şirkətinin təhlükəsizlik üzrə mütəxəssisləri “macOS” üçün faylları şifrlə

04/07/20
“Motorola One Fusion” smartfonu “HD plus” ekranı ilə təchiz olunub

Orta səviyyəli “Motorola One Fusion” smartfonunun rəsmi təqdimatı keçirilib.

04/07/20
“MacOS” sistemi ilə işləyən “iPhone” smartfonunun sınaqları keçirilir

“Apple” şirkəti “Galaxy” smartfonları üçün “Samsung Dex” dok-stansiyasını (birləşdirici qur

03 07 2020

03/07/20
“Honor 30 Lite” smartfonu rəsmən təqdim edilib

“Huawei” şirkətinə məxsus “Honor” brendi 90 hers yeniləmə tezlikli ekran və “MediaTek Dimensity 800

03/07/20
Yaponiyada piyadalara smartfondan istifadə etmək qadağan edilib

Yaponiyanın Yamato şəhərində piyadalara smartfondan istifadə qadağan edilib. Bu davranış təhlükəli hesab

03/07/20
Yeni “OnePlus” televizorları nümayiş olunub

“OnePlus” şirkəti Hindistanda yeni televizorlar seriyası təqdim edib. Seriyaya üç model – “HD” təsvir<

03/07/20
“Şərq Tərəfdaşlığı” ölkələrinin Telekommunikasiya Tənzimləyiciləri Şəbəkəsinin 15-ci plenar iclası keçirildi

“Şərq Tərəfdaşlığı” (ŞT) ölkələrinin Telekommunikasiya Tənzimləyiciləri Şəbəkəsinin (EaPeReg) 15-ci plena

03/07/20
Elektron tullantıların həcmi dünya əhalisindən üç dəfə daha sürətli artır

Beynəlxalq Telekommunikasiya İttifaqının (BTİ) yeni hesabatına əsasən, 2019-cu ildə 53,6 milyon ton kompü

03/07/20
Smartfonlar üçün akkumulyatorların rüblük satış həcmi 5% yüksəlib

“Strategy Analytics” tədqiqat şirkəti smartfonlar üçün qlobal akkumulyatorlar bazarında artım qeydə alınm

03/07/20
“MediaTek” prosessoru qabaqcıl televizorlarda istifadə ediləcək

“MediaTek” şirkəti “ağıllı” televizorlarda istifadə üçün nəzərdə tutulan yeni prosessor nümayiş et

03/07/20
“Sony” şirkətinin adı dəyişib

“Sony” səhmdarlarının ötən həftənin cümə günündə keçirilən illik iclasında şirkətin adının “Sony Gr

03/07/20
“Xiaomi Mi TV Master” televizoru “OLED” ekranla təchiz edilib

Çinin “Xiaomi” şirkəti “Mi TV Master Series” adlı yeni “ağıllı” televizorlar seriyası təqdim edib. Se