12px13px15px17px
Tarix:17/03/14

ƏMDK fəaliyyətində informasiya-kommunikasiya texnologiyalarının tətbiqini genişləndirib

Əmlak Məsələləri Dövlət Komitəsi daşınmaz əmlakın qeydiyyatı sahəsində vətəndaşlara və əmlak sahiblərinə göstərilən xidmət səviyyəsinin daha da yüksəldilməsi, bu sahədə innovativ üsulların tətbiqi və vətəndaş məmnunluğunun təmin edilməsini daim diqqət mərkəzində saxlayır.

Bu baxımdan komitə tərəfindən vətəndaşlara, əmlak sahiblərinə, xüsusi təbəqədən olan insanlara (həmçinin əlillər, ahıllar, tənha yaşayanlar, sağlamlıq imkanları məhdud və yaşayış yeri uzaqda yerləşən insanlara)  daşınmaz əmlakın qeydiyyatı sahəsində göstərilən xidmətlərdə rahatlıq və çevikliyin təmin olunması məqsədilə növbəti yeniliyə imza atılıb. Bu yenilik yaxın günlərdə daşınmaz əmlakın qeydiyyatı ilə bağlı xidmətlərin alınmış yeni xüsusi nəqliyyat vasitələri ilə Bakı və respublikanın regionlarında yaşayan vətəndaşlar və əmlak sahiblərinə müasir üsullarla səyyar şəkildə göstərilməsindən ibarətdir.

 Belə ki, vətəndaşlar komitənin təşkil etdiyi xidmətlərdən ərazi qeydiyyat idarələrinə getmədən də faydalana biləcəklər. Komitədən saytımıza bildirilib ki, yerindəcə göstəriləcək xidmətlərin məqsədi qeydiyyat xidmətlərini vətəndaşların ünvanına daha rahat, müasir və innovativ üsullarla çatdırmaq, bu xidmətlərin vətəndaşlar üçün əlçatanlığını təmin etmək və nəticədə vətəndaş məmnunluğunu daha da artırmaqdır: “Komitə tərəfindən daşınmaz əmlakın qeydiyyatı ilə bağlı xidmətlərin yerlərdə göstərilməsi məqsədilə yeni xüsusi nəqliyyat vasitələri alınıb. Bu nəqliyyat vasitələri ƏMDK yanında Daşınmaz Əmlakın Dövlət Reyestri Xidmətinin ərazi idarələri tərəfindən göstərilən xidmətlərinin yeni forma və üsullarla qeydiyyat idarələrindən kənarlarda da təşkil edilməsini təmin edəcəkdir. Yeni nəqliyyat vasitələri xidmətlərin göstərilməsi üçün tələb olunan bütün standartlara cavab verir.

Eyni zamanda, onlar müasir informasiya-kommunikasiya sistemi və yeni avadanlıqlarla (həmçinin müasir telefon-rabitə cihazları, sürətli internetə çıxış vasitələri və s.) təchiz edilib. Qarşıdakı dövrdə qeyd olunan nəqliyyat vasitələrinin sayının artırılması nəzərdə tutulur”.


Komitədən qeyd edilib ki, yerindəcə göstərilən xidmətlərə daşınmaz əmlakın qeydiyyatı üçün tələb olunan sənədlərin qəbulu, həmin sənədlərin qanunauyğunluğunun yerindəcə yoxlanılması, növbəti prosedurlar barədə ətraflı məlumatın çatdırılması və daşınmaz əmlakın qeydiyyatı ilə bağlı vətəndaşlara zəruri hüquqi məsləhətlərin verilməsi daxildir. Qeyd olunan xidmətlərin göstərilməsi üçün gediləcək məkanlar və günlər əvvəlcədən təyin olunacaq. Vətəndaşlar xidmət nöqtəsinə yaxınlaşmaqla zəruri sənədləri xüsusi nümayəndəyə təqdim edəcək. Nümayəndə sənədləri yoxlamaqla, müvafiq istiqamət və məsləhətləri verməklə vətəndaşa yerində xidmət göstərəcək.
Bütün bunlardan əlavə, daşınmaz əmlakın qeydiyyatında operativlik və rahatlığı artırmaq məqsədilə Əmlak Məsələləri Dövlət Komitəsi tərəfindən 13 ədəd yeni avtomobillər alınaraq istifadəyə verilib. Bu avtomobillər daşınmaz əmlakın qeydiyyatı prosesində texniki məsələlərin həlli, yerində baxış və mühəndislik işlərinin həyata keçirilməsi, daşınmaz əmlakın müayinəsi, ərazilərdə əmlakların texniki plan-ölçüləri və çöl-ölçmə işlərinin aparılmasının daha çevik, sürətli və vaxta qənaət etməklə təmin olunmasına xidmət edəcəkdir. Avtomobillər müasir çöl-ölçmə cihazları və informasiya-kommunikasiya vasitələri, yeni naviqasiya və modern texniki sistemlərlə təchiz olunub:

 “Məlum olduğu kimi, Əmlak Məsələləri Dövlət Komitəsi son illərdə fəaliyyət istiqamətləri üzrə uğurlu addımlar atıb. Komitə tərəfindən elektron xidmətləri geniş tətbiq etməklə öz fəaliyyətində şəffaflığın daha da artırılması və vətəndaş məmnunluğunun yüksəldilməsi istiqamətində davamlı olaraq tədbirlər görülür. Komitənin fəaliyyət istiqaməti üzrə ümumilikdə 40-a yaxın xidmətdən artıq 16 elektron xidmət təşkil edilib. Bu xidmətlərin hamısı “Elektron hökumət” portalına inteqrasiya edilib. Qısa zaman ərzində 11000-ə yaxın elektron müraciət daxil olub. 2014-cü ildə daha 15 elektron xidmətin təşkili və vətəndaşlarımızın istifadəsinə verilməsi nəzərdə tutulur. Bunlara dövlət əmlakının özəlləşdirilməsi ilə bağlı keçirilən hərraclara sifarişlərin elektron qəbulu, icarə haqqı borcları barədə məlumatların SMS vasitəsilə icarəçiyə göndərilməsi, daşınmaz əmlaka dair xidmət haqqı barədə məlumatın elektron verilməsi, kadastr və texniki  məlumatların alınması üçün müraciətlərin elektron qəbulu və digər xidmətlər aid olacaq”.


Bundan əlavə, komitə tərəfindən cari ilin mart ayının 3-dən etibarən onlayn xidmətlərin tətbiqinə başlanılıb. Belə ki, artıq vətəndaşlar daşınmaz əmlakın yüklülüyünə dair arayışları (forma-1) almaq üçün ərazi qeydiyyat idarələrinə getmədən notariuslarda onlayn şəkildə əldə edirlər. Arayışların “onlayn” rejimdə verilməsi məmur-vətəndaş ünsiyyətinin aradan qalxmasına, vaxta böyük qənaət olunmasına, bununla da vətəndaşların bu xidmətdən optimal faydalanmasına səbəb olmaqdadır.


Beləliklə, yerlərdə göstərilən xidmətlər Bakı və regionlarda yaşayan əhalinin, o cümlədən coğrafi və digər səbəblərdən hərəkət çətinliyi olan vətəndaşların ünvanına qeydiyyat xidmətlərinin çatdırılmasına və mərkəzlərə gəlmədən vətəndaşların xidmətlərdən faydalanmasına xidmət edir. Alınmış nəqliyyat vasitələri Əmlak Məsələləri Dövlət Komitəsi tərəfindən daşınmaz əmlakın qeydiyyatı ilə bağlı göstərilən xidmətlərin qısa bir zamanda yeni formada, modern üsullarla və rahat həyata keçirilməsini təmin edəcək. Eyni zamanda, bu xidmətlər nəticəsində vətəndaşların qeydiyyat idarələrinə gəlməsinə ehtiyac qalmayacaq, vaxt itkisinin aradan qalxmasına, idarələrdən uzaqda yaşayan vətəndaşların da bu xidmətlərdən faydalanmasına səbəb olacaq, xidmətlərdə çeviklik daha da artacaq. Qeydiyyat sahəsində xidmətlərin daha rahat, yeni və müasir üsullarla əhaliyə təqdim olunması vətəndaş məmnunluğunun yüksəlməsinə gətirib çıxaracaq.


Seymur Qasımbəyli



Baxış sayı: 610

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






14 Avqust 2020

14/08/20
“Google Lookout” proqramı gözdən əlil insanlara məhsulları tanımağa və sənədləri oxumağa kömək edəcək

“Google” şirkəti ilk dəfə 2019-cu ildə zəif görənlər üçün “Lookout” mobil proqramını istifadəyə verib

14/08/20
“Google Fuchsia OS” sistemi sertifikasiyadan keçib

“Bluetooth” standartlarının hazırlanması və bu texnologiya ilə təchiz edilən qurğuların sertifikatlaşdırılması ilə məşğul olan 

14/08/20
“Vivo S1 Prime” smartfonu rəsmən təqdim edilib

“Vivo” şirkəti 48 mp-lik kamera və “Snapdragon 665” prosessoru ilə təchiz edilmiş yeni “S1 Prime” smartfonunu təqd

14/08/20
“Lenovo” və “HP” dünya noutbuklar bazarının yarısına nəzarət edir

“Strategy Analytics” şirkəti portativ kompüterlərə tələbatın kəskin artmasını açıqlayıb

14/08/20
“6G” şəbəkəsi nə vaxt istifadəyə veriləcək?

Altıncı nəsil mobil rabitə şəbəkəsi üzrə pilot layihə 2026-cı ildə istifadəyə veriləcək. Bu barədə “BusinessKorea” nəşrinin Cənubi Ko

14/08/20
Elektron Təhlükəsizlik Xidməti vətəndaşları şəbəkə qurğularındakı təhlükə ilə bağlı xəbərdar edir

Son günlər ölkəmizdə “Wi-Fi” təhlükəsizliyi ilə bağlı insidentlərin sayında kəskin artımın olması

14/08/20
Yeni “iPhone” smartfonlarının təqdimat tarixi açıqlanıb

“iPhone 12” seriyalı yeni smartfonların təqdimatı gözləniləndən daha gec keçiriləcək

13 08 2020

13/08/20
Azərbaycan nümayəndəsi UNESCAP-ın ASİSM layihəsi üzrə İdarəetmə Komitəsinin iclasında iştirak edib

BMT-nin Asiya və Sakit okean üzrə İqtisadi və Sosial Komissiyasının (UNESCAP) Asiya-Sakit okean 

13/08/20
Dünyada milyonlarla istifadəçi Çinin casus proqramlarını quraşdırıb

Mütəxəssislərin araşdırmasına görə, dünyada milyonlarla istifadəçi “QuVideo Inc.” şirkətinin 

13/08/20
Cənubi Koreyada “5G” şəbəkələrinin sürəti ölçülüb

Cənubi Koreyanın paytaxtı Seulda və ölkənin digər altı böyük şəhərində beşinci nəsil mobil rabitə 

13/08/20
“Twitter”də yeni funksiya istifadəyə verilib

“Twitter” mikrobloqlar xidməti istifadəçilərə onların yazılarına cavab verə bilən şəxslərin dairəsini

13/08/20
Bakı Teleqüllə Kompleksinin istifadəyə verilməsindən 24 il ötür

Bu gün Bakı Teleqüllə Kompleksinin istismara verilməsindən 24 il keçir

13/08/20
“Honor Hunter” oyun noutbukları hazırlanır

Çinin telekommunikasiya nəhəngi “Huawei” şirkətinə məxsus “Honor” markası yeni seriyalı portativ kompüterlərin haz

13/08/20
Maliyyə təşkilatlarının pandemiyaya görə İT xərcləri 5 faiz azalacaq

“Gartner” analitik şirkəti 2020-ci ildə maliyyə sektorunda qlobal informasiya texnologiyaları (İT) xərclərinin koronavirus pandemiyasına&n

13/08/20
“iPhone 12” smartfonunun gücü açıqlanıb

Yeni “Apple” smartfonunun gücü kompüterin məhsuldarlığına bərabər olacaq

13/08/20
Dünyanın ən bahalı brendləri məlum olub

“Kantar” analitik agentliyi dünyada ən bahalı brendlərin yenilənmiş illik reytinqini