12px13px15px17px
Tarix:17/06/15

“Sony” yeni qabaqсıl smartfonunu təqdim edib

Rəsmi təqdim edilmiş qabaqcıl “Sony Xperia Z4v” smartfonu “Xperia Z3+” modelinin təkmilləşdirilmiş versiyasıdır.

Əsas fərq ekranla bağlıdır: yeni qurğuda ekranın təsvir ölçüsü 2560x1440 piksel təşkil edir. Bundan başqa, “Sony Xperia Z4v” aparatında akkumulyator batareyasının tutumu bir qədər artıb (2930-dan 3000 milliamper/saatadək), “Qi” və “PMA” simsiz enerjidoldurma texnologiyalarının dəstəyi əlçatan olub.

"ICTnews" elektron xəbər xidməti “dailycomm.ru” saytına istinadən bildirir ki, hər iki smartfon 64 bitlik səkkiznüvəli “Qualcomm Snapdragon 810” çipi, 3 QB əməli yaddaş, 32 QB-lıq fləş daşıyıcı, iki kamera (20,7 və 5,1 meqapiksellik) və qurğunun daxili komponentlərini su və toz düşməsindən qoruyan korpusla təchiz edilib. Aparata “Android Lolipop” mobil əməliyyat sistemi quraşdırılıb.

“Sony Xperia Z4v” smartfonu 2015-ci ilin yayında ABŞ bazarına satışa çıxarılacaq.

Emil Hüseynov



Baxış sayı: 323

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 May 2020

24 05 2020